Kontra-gailurreko parte hartzaileen defentsaz arduratu den taldeak eskubide urraketa larriak salatu ditu
G7aren goi bilerak iraun bitartean 100 kasu ingururen jarraipena egin du Legal Team-ak, defentsa kolektiborako taldeak. Defentsa eskubideari oztopoak jarri zaizkiola, eta legez kanpoko prozedurak burutu direla salatu dute.
Goi bilerak berarekin ekarriko zuen errepresioa aurreikusita, beroni aurre egiteko antolatu zen defentsa kolektiboa, Legal Team izenez ere ezaguna. Militantez eta abokatuz osatutako kolektiboak prebentzioa eta oinarrizko babes juridikoa eskaini die kontra-gailurreko parte hartzaileei. Estatuaren justizian sinisten ez dutenez, autodefentsa juridikoaren eta defentsa kolektiboaren bidetik aritu dira lanean. Kontra-gailurrean bildu diren norbanakoen eskura jarri dute egun osoz martxan mantendu duten telefono zerbitzua.
Asteazkenean adierazi zutenez, 100 kasu inguru jarraitu dituzte. Emandako datuen arabera, 164 interpelazio izan dira, horietatik 100 bat atxiloaldiak izanik. Espetxeratuak, aldiz, sei izan dira, eta kasuetako batean norbanakoa baldintzapean asko utzi dute epaiketa burutu bitartean. Espetxeratuetako hiru gazte alemaniarrak dira, poliziak errepide kontrol batean geratu ostean eraman baitzituzten atxilo, “bortizkeriak egiteko sorturiko talde bateko kide izatea” egotzita, Oihana Teyseyre Koskaratek Berrian jaso duenez. Hiru gazte horiek bi eta hiru hilabete arteko espetxe zigorrari aurre egin beharrean aurkitzen dira.
Azken atxiloketa, defentsa kolektiboak azaldu duenez, astelehenean eman zen. Orain arteko datuen arabera, 23 pertsonak izango dute epaiketa irailaren 9tik abenduaren 3ra arteko epean.
Atxiloketa gehienak era prebentiboan egin dituztela azpimarratu du kolektiboak, atxilotuek protestetan parte hartu gabe.
Defentsa eskubideari oztopoak
Justiziak defentsa eskubideari “traba larriak jarri” izana salatu dute, eta horren zenbait adibide eman dituzte: atxilotu bati baino gehiagori abokatua poliziak ezarri dio, atxilotuari abokatua bere kabuz aukeratzea ukatuz; bestalde, zenbait atxilotuk adierazi dutenez, poliziak esan zien defentsa kolektiboko abokatuek telefonoa ez zutela hartzen, eta hobe zutela ofiziozko abokatu baten aldeko hautua egin. Ez hori bakarrik: Legal Team-eko abokatuek atxilotuen egoera pertsonala frogatzeko ordezkaritza bermeak izan arren, ofiziozko abokatuak hauei uko egin diela salatu dute, bezeroen defentsa horiek gabe eginez.
Berriak jaso duenez, taldeko kideen iritzitan “estatu polizial batera iristeko lehen urratsa” eman da, defentsaren eskubidea larriki urratuz “abokatuen elkarteko buru lehenak Baionako prokuradorearekin harremanetan lan egin” baitu.
Guzti hau gutxi ez, eta legez kanpoko prozedurak ere jazo direla salatu dute. Adibidez, atxiloketetan polizia agenteak itzultzaile lanetan jartzea.
Bestetik, Hendaiako atxikitze zentroan egindako atxiloaldietan bete beharko liratekeen legezko baldintzak bete ez direla ere azpimarratu dute. Abokatuekin biltzeko gelak aterik ez zeukanez atxilotuen konfidentzialtasun eskubidea urratu dela aipatu dute, adibide gisa.
Legal Team-ak jakinarazi du jazo diren eskubide urraketa guztiei aurre egiteko lanetan jarraituko dutela.
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian
Biarritzeko G7ren kontrako borrokari buruzko lehen analisiak eta kritikak agertu dira. Eta militantzia korronte desberdinek oharrak argitaratzen jarraitzeko parada izanen dute. G7 EZ! plataformako kide aktibo gisa, guk ere, kontra gailurraren antolaketari eta ondorioei buruzko... [+]
Macron pozik atera zen Miarritzetik, halaber Oteiza, Kintoko enpresaria, urdaiazpikoa Trumpi opariturik. Baina G7aren kontrako gailurrak dezepzioa piztu zuen iraultzaileen oldeetan. Batzuk etorriak ziren pataskatzeko, hiriak sutan uzteko deklaratuak ez ziren manifestaldien... [+]
G7 pasatu ondoren, zer gelditzen da? Komunikazio operazio ona Macronentzat, baina diplomatikoki emaitza konkretu eskasak. Haatik, Euskal Herriarentzat gertakari adierazgarria izan da: estatuaren jokaera alde batetik eta parean eragile sozio-politikoek eman dugun... [+]
Hamasei lagun epaitu zituzten ostiralean Baionan. Abenduaren 3an emango dute epaiaren berri.
Aktualitate beroan, zenbait kasuan kiskali gaituen aktualitatea. G7aren eta honi aurre egin zion kontra-gailurraren bilanaz mintzatuko gara. Ez da gure asmoa polemikak edo barneko trapu zikinak ateratzea, baina bai ostatuetan, bilkura geletan edo sare sozialetan aipatzen den... [+]
Aman Komunak sareak adierazi duenaren arabera, ostiral arratsaldean burutuko da G7aren goi bileraren harira atxiki zituzten dozena bat lagunen aurkako epaiketa, Baionan.
Ez da Bizi mugimenduaren usaietan militanteen arteko kalapitetan sudurra sartzea eta are gutiago berak batzuk hastea. Gure energia eta denbora premiazkoak dira sistema kapitalista honen kontrako borroka lantzeko eta Euskal Herriaren metamorfosi soziala eta ekologikoaren aldeko... [+]
Gasteizko autobus geltokira heltzean hiru patruila zituen zain, iraileko lehen asteburuan. Irailaren 5a arte Biarritz-Donostia gunetik irtetea debekatua zuela esan, eta bueltako autobusa hartzera behartu zuen Ertzaintzak. Ez du debekuaren agiririk jaso.
Aje luzea utzi du euskal herrigintzan G7aren kontra-gailurrak. Borroka bidaideen arteko –bai, bidaide diot– tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]
Aje luzea utzi du euskal herrigintzan G7aren kontra-gailurrak. Borroka bidaideen arteko bai, –bidaide diot – tentsio, eztabaida, haserre eta ezinen biharamuna da. Desobedientziaren aldeko diskurtsoa ia lurzoru komun bilakatu da. Praktikara jotzean, ordea, ustezko... [+]