Kondena berria Marixol Iparragirreri: hamabost espetxe urte
Amurrioko epaitegiaren aurka 1996an egindako atentatua agindu izana leporatu dio Espainiako Auzitegi Nazionalak Iparragirreri.
Amurrioko atentatua agindu izanagatik ezarri dio Espainiako Auzitegi Nazionalak zigorra preso gipuzkoarrari, Efe berri agentziak zabaldu duenaren arabera. Frantziako Estatuak 2019an entregatu zion Marixol Iparragirre Espainiakoari, Frantzian ezarritako zigorra osorik bete ostean. Espainian hamabi auzi ireki dizkiote, eta gaurkoa itxitako bederatzigarrena da. ETAko buruzagi izatea leporatuta 1980 eta 90eko hamarkadetan hainbat atentaturen ardura egotzi diote Iparragirreri, eta orotara 250 espetxe urte baino gehiagora zigortu dute jada.
Xanti Iparragirrek Eskoariatzako Aingeruguarda baserritik (Kortako Zelaia izenez ere ezaguna) ihes egin behar izan zuenekoa horrela kontauta du Biziaren azala liburuan.
Urtea hasi zenetik lau zigor ezarri dizkiote Marixol Iparragirreri. Azkenarekin, Espainiako Auzitegi Nazionalak 46 urteko espetxe zigorra ezarri dio presoari, 1987an bi hilketa burutzea eta Eskoriatzan lehergailu bat jartzea leporatuta.
Espainiako Auzitegi Nazionalean epaitua izaten ari da, uztailaren 8an eta 9an. Beste hamaika auzitan deklaratu beharko du euskal preso politikoak.