ARGIA JOLASAKek Kirolaz Badakit eta Ziztadak mahai jolasak aurkeztuko ditu bihar (22) 12:00etan, Donostiako Koldo Mitxelena Kulturunean. 7 urtetik gorakoei zuzendutako Kirolaz Badakit mahai jolasa hainbat kiroli buruzko 1.500 galdera-erantzun dituzten 250 txartelek osatzen dute. Bakarrik jolasteko aukera ere eskaintzen du, CD-Rom interaktiboa baitakar. Ziztadak-ek berriz, 5 urtetik gorakoentzako hiru jolas ditu: erlamandoen lasterketa, erlauntzara itzulera eta erlezain burutsua. Erleen bizimoduan eta bitxikeriatan oinarritutako jolasak dira. Erleen inguruko informazioa duen liburuxka ere badu jolas horrek.