Kataluniako buruzagi politikoen aurkako zigorrak berrikusiko ditu Espainiako Konstituzio Auzitegiak
Hamabi buruzagi independentistetatik bederatzik jarritako helegiteak tramitera onartu dituzte.
Auzipetu independentistek jarritako helegiteek auzitegiaren doktrinarik ez duen oinarrizko eskubide baten inguruko arazoak planteatzen dituzte, edo eskubide horren alderdi bati eragiten diote. Hala bada, Kataluniako buruzagi independentisten aurkako auziko zigorrak berrikustea erabaki du Espainiako Konstituzio Auzitegiak, osoko bilkuran hala egitea aho batez onartu ostean.
Zigortutako hamabi buruzagietatik bederatzik aurkeztutako helegiteak tramitera onartu dira. Bederatzi helegite horiek ondokoenak dira: Dolors Bassa, Jordi Turull, Josep Rull, Joaquim Forn, Carles Mundo eta Meritxell Borras kontseilari ohiena, Carme Forcadell Kataluniako Parlamentuko presidente ohiarena, Jordi Sanchez ANCko presidente ohiarena eta Jordi Cuixart Omnium Culturaleko presidentearena.
ERCko buru Oriol Junquerasen eta Raul Romeva kontseilari ohiaren helegiteak onartzear daude. Junqueras eta Romevak ez zituzten onartu auzitegiko hamabi magistratuak, independentismoaren aurkako iritzi ideologikoak zituztela argudiaturik.
Hamabigarren auzipetuak, Santi Vilak, ez du helegiterik jarri.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]