Kanpaldia hasi dute Gasteizko udaletxe aurrean GKS eta Etxebizitza Sindikatuak, txosnaren auzia dela eta irtenbidea eskatzeko
Gasteizko GKS-k eta Etxebizitza Sindikatuak kanpaldia hasi dute udaletxearen aurrean, Plaza Berrian, txosnetako "beto politikoa" salatu eta Udalari aterabide bat exijitzeko. Poliziak itxi egin du plaza.
Bertso-poteoa antolatu dute ostegunean Gasteizko GKS eta Etxebizitza Sindikatuak, salatzeko "Txosna Batzordeak eta ezker abertzaleak ukatu egin diela txosna jartzeko eskubidea".
Horren ostean, arratsaldeko 20:00ak aldera, kanpaldia hasi dute udaletxearen aurrean, Plaza Berrian, Udalari, hura arduraduntzat duten heinean, irtenbide bat exijitzeko. Espazio publikoa erabiltzeko eskubidea eskatzen dute txosna jartzeko.
Dozenaka lagun elkartu dira Plaza Berrian kanpadendekin, gaua pasatzeko asmoz. Esan dute ez direla mugituko soluzio bat eman arte.
Ertzaintza bertaratu da. Lehenik, eragileek sare sozialetan zabaldu dutenez, Desgaraian musika taldeak kontzertu akustikoa eman du plazan, eta Poliziak identifikatu egin ditu musikariak.
Ondoren, plaza osoa itxi du Ertzaintzak.
Iruñeko Udalaren aginduz, Poliziak iazko azaroan hustu zuen Jarautako blokea, hainbat egunez hura setiatu ostean. Bloke Sozialistan zirenei elkartasuna adieraztera joan ziren bost pertsona salatu zituen UPNk, eta salaketak mantentzea erabaki dute EH Bilduk, Geroa Baik... [+]
Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]