Joseba Arregi eta Garikoitz García presoak euskal herriratuko dituzte, eta Alicia Sáez de la Cuesta, Ugaitz Pérez eta Iñaki Armendariz hurbildu
Zaballan dagoen Ibon Etxezarretari hirugarren gradua aitortu diote. Espainiako Espetxe erakundeak jakinarazi ditu neurriak.
Espainiako Espetxe Erakundeak bi euskal preso politiko euskal herriratu eta beste hiru hurbiltzea erabaki du: Martutenera eta Zaballara lekualdatuko dituzte Joseba Arregi Erostarbe eta Garikoitz García Arrieta, hurrenez hurren; Logroñora hurbilduko dituzte Alicia Sáez de la Cuesta eta Ugaitz Pérez Zorriketa, eta Burgosera Iñaki Armendariz Izagirre.
Joseba Arregi 30 urteko zigorra betetzen ari da 2000 urteaz geroztik, iragan urtetik Asturiasen dago. Ugaitz Pérez eta Alicia Saéz de la Cuesta Castelló espetxean daude. Iñaki Armendariz Herrerako espetxetik hurbilduko dute, eta Garikoitz García Picaseentekotik. Denak dituzte kondena luzeak, 20 eta 30 urte artekoak.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.