Jarduera sismikoak antzeman dituzte Espainia eta Frantzia arteko itsaspeko interkonexio elektrikoaren trazaduran
Ekologistak Martxan erakundeak ohartarazi duenez, Espainia eta Frantzia arteko itsaspeko interkonexio elektrikoaren proiektuaren sustatzaileek “beste ezusteko bat” izan dute. Aurretiaz, Castor gas biltegiko proiektua bertan behera utzi zen, eta ondorioz, 1.350 milioi euroko kalte-ordaina jaso zuen enpresak.
Espainiako eta frantziako estatuen arteko itsaspeko interkonexio elektrikoaren proiektuan jarduera sismikoak izan direla ohartarazi du Ekologistak Martxan taldeak. Megaproiektuak, Bizkaiko Golkoa itsaspeko kable handi baten bidez zeharkatuz, bi estatuen arteko sistema elektrikoak lotzea du helburu. Uztailaren 10ean, ordea, hiru sismo atzeman zituzten Frantziako kostaldean, Arcachon parean. Sismo horiek 2,2 eta 2,5 mbLg arteko intentsitatea izan zuten, eta hipozentroen arteko distantzia 5 kilometrokoa izan zen bataz beste.
Intentsitate txikiko hiru sismo izan baziren ere, “egonkortzat” jotako eremu batean jazo zirela ekarri du gogora talde ekologistak. Horri, gainera, sustatzaileek "urrian izan zituzten arazoak" gehitu behar zaizkiola azpimarratu dute. Zehazki, 2019ko urriaren 18an, INELFEk, Espainiako REE eta Frantziako RTE sistema elektrikoko operadoreek osatutako partzuergoak, Capbretoneko kanoia zeharkatzea baztertzeko erabakia adierazi zuen. “Lotunearen bizitza erabilgarrian trazaduraren egonkortasuna bermatzea ezinezkoa” dela aitortu zuen partzuergoak. Ekologistak Martxan “kezkatuta” azaldu da horren denbora laburrean egonkortasun geologikoan arazoak daudela egiaztatuta, eta batez ere proiektuaren bizitza erabilgarria hainbat hamarkadatakoa izango dela jakinik.
Europar Batasuneko (EB) Energia Batzordeak interkonexio hori Interes Komuneko Proiektu izendatu zuela ekarri du gogora erakundeak, eta horrek prozesuak bizkortzea dakar. Kasu honetan, itzuli beharrik gabeko diru-laguntza bat dakar Europako funtsen aldetik, 578 milioi euro, zehazki. Aurrekontuan jasotako ia 1.750 milioi euroen ia herena litzateke hori, antzeko proiektu bati inoiz eman zaion handiena. Talde ekologistaren ustetan, hori izango litzateke hain proiektu konplexua eraikitzea justifikatzen duen arrazoi bakarra, EBk berak bere onarpenean aitortzen duenari erreparatuta.
Dena den, proiektuaren prestaketetatik aurrera agertu diren arrisku guztiak kontuan hartuta, erakundearen arabera, zuhurtzia-printzipioa aplikatzeak “logikoa dirudi”, kontsumitzaileek proiektuaren kostuak faktura bidez ordaindu beharrik izan ez dezaten, eta berdin gerta litekeen edozein gainkosturekin ere. Interkonexio Elektrikorik Ez! herri plataformatik eta Megaproiektu Energetikoei Erantzuteko Laguntza Saretik, gertaera horien berri eman dute. Batik bat, Castor gas biltegia bezalako “porrotera kondenatutako beste proiektu bat saihesteko”. Izan ere, haren jarduerak eragindako aktibitate sismikoa zela eta, “bere jarduera etetea eta proiektua bertan behera uztea” ekarri baitzuen, kontsumitzaileek enpresa sustatzaileari 1.350 milioi euroko kalte-ordaina ematearekin batera.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Irailaren 2an izango da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte.
Fitxa: Musika Hamabostaldia. Gewandhausorchester Leipzig.
Zuzendaria: Andris Nelsons.
Bakarlaria: Isabelle Faust (biolina).
Egitaraua: Pärt, Dvorak eta Sibeliusen lanak.
Lekua: Kursaal Auditorioa.
Data: abuztuaren... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
600 misil eta dronetik gora bota ditu Errusiak Ukrainako hiriburuaren aurka. Gerra hasi zenetik egindako aire eraso handienetakoa da. Zelenskik nazioarteari eskatu dio erantzun dezala, Putin Trumpekin bildu eta bi aste eskasera.
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Nafarroako Osasun Departamentuak iragarri du ospitaleko solairu gehienak klimatizatuko dituztela 2026 amaierarako. ARGIAk elkarrizketaturiko bi erizain laguntzaileek nabarmendu dute premiazkoa dela banako gelak, komun irisgarriak eta aire girotua izatea.
Araba eta Nafarroa zeharkatu behar zituzten goi-tentsioko bi linea elektrikoren proiektuak ez dira gauzatuko. Espainiako Trantsizio Ekologikorako Ministerioak Aragoiko Tueste herrian Forestaliak egin behar zituen lau poligono eolikoen proiektuak artxibatu ditu.