Izarrako Gaztaetxea, husteko zorian
Lehen urteurrenaren bueltan, astebururako aurreikusitako ekintzak tokiz aldatzea erabaki dute.
Epaiak ez du atzera bueltarik. Orain dela urtebete Izarrako San Vicente kalean okupatutako eraikina husteko behin betiko agindua jaso zuten pasa den ostiralean Gaztaetxe proiektuko bultzatzaileek, eta, hortaz, ohartarazi dute une batetik bestera heldu daitekeela kaleratzea.
Iazko Gabonetan okupatu zuen gazte talde batek garai batean gaztandegia izandako eta aspalditik hutsik zegoen eraikina; aurretik Ostuñon zeuden, Urkabustaizko Udalaren jabetzaren lokal batean. Barrualdean oinarrizko txukuntze lanak egin eta apurtuta zeuden leihoak konpondu ostean, inauteriak aitzakia hartuta, otsaila amaieran inauguratu zuten, Gaztaetxea izenarekin.
Ordutik hona lokala atontzen eta askotariko proiektuak eta ekintzak martxan jartzen ibili dira; esaterako, paretetan hainbat horma-irudi margotu dituzte. Urkarock eta Gazte Egunaren bueltan prestatutako hainbat ekimen ere bertan egin ziren, eta uda partean zinema herrikoia antolatu zuten. Horrez gain, herritarren ekarpenei esker, liburutegia sortu dute, eta baita haurtzaindegia ere. Aurrera begira ere, hainbat proiektu dituzte esku artean; baina, esan bezala, epaia dela-eta mehatxupean daude.
1.440 euroko isuna
Hasieratik egon da kaleratze arriskua. Pasa den urriaren 31n epaiketa bati aurre egin zion gazte taldeak: 1.440 euroko isunarekin zigortzearekin batera, lokala husteko agindua jaso zuten. Erabaki horren kontrako helegitea jarri zuten, baina hori arbuiatu eta husteko agindua eman berri du epaile batek.
Aipatzekoa da proiektuaren lehen urteurrena ospatzeko asteburu honetarako egitarau zabala zuela gertu gazte taldeak: zehazki, ostiralean eta larunbatean askotariko ekintzak egiteko asmoa zuten. Egoera berria ikusita, batzarra egin zuten ostiralean bertan, eta programarekin “ahal den neurrian” aurrera egitea erabaki zuten; baina, aurreikusitako ekimenak Gaztaetxean egin beharrean, Izarrako beste hainbat tokitan izatea adostu zuten.
Herrira zabaldu
Ostiral arratsalderako bizikleta martxa prestatu dute herritik; proiektua ikustaraztea du helburu ibilaldi horrek. Jarraian, pintxo lehiaketa egingo dute plazan. Larunbatean, berriz, goizean hasiko dira ekimenak. Kultura etxeak okupazioari buruzko mahai-ingurua hartuko du, 11:00etan; Errekaleor auzoaz, Gasteizko gaztetxeaz eta Bilboko okupazio esperientzia anitzetaz egingo dute berba han. Bazkari beganoa ere egingo dute, Izarrako Beheko Iturri txokoan. Arratsaldeko antzerkia kultura etxean izango dela eta gaueko kontzertuetarako tokia bilatzen dabiltzala ere jakinarazi dute Gaztaetxetik.
Artikulu hau Hala Bedi irratiak argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Lekeitioko Gazte Asanbladak apirilaren 9an Pascual Abaroa etorbidean okupatu zuen eraikina Gaztetxe bilakatu dutela iragarri du. Larunbatean antolatu duten kalejira baten ostean herritarrei ateak ireki eta eraikina txukuntzeari ekin diote auzolanean.
“Laguntza ekonomikoaren premia dugu, nahiz eta obraren gehiengoa auzolanean egin nahi dugun, koste ekonomiko altuko obra bat da eskuartean daukaguna, eta guk bakarrik ezin dugu behar dugun diru guztia inbertitu”, azaldu dute.
‘Hamaika haritatik soka berari tiraka’ izenpean, hiru eguneko egitaraua prestatu dute Gipuzkoako gazte asanbladek Hernaniko Kontrakantxa gaztetxean egingo dituzte jardunaldietarako.
Gaur, osteguna, 5 gaztek adierazpenak egin beharko dituzte Gasteizko Epaitegian, urte berri eguneko goizaldean gaztetxean gertatutakoengatik. Aldi berean, gaztetxean festa solidario bat ospatuko dute dirua batzeko eta gastuei aurre egiteko.
Azken hilabeteetan errealitateak irakaspen handiak eman dizkigu Iruñerriko gaztetxeetako kideoi, eta horiek plazaratzeko asmoz idazten dugu ohar hau.
Iruñeko Maravillas gaztetxearen hustutzea mediatikoa bihurtu zen iragan urtarrilean. Batetik, “aldaketa”-ren eragileen baitan kontraesanak eta tentsioak azaleratzen dituelako, hauteskundeak bistara ageri izan dira, alderdi ugariren interesak martxan jarriz. Hala berean, hustutzearen erreakzioak luze iraun zuelako, herri mugimenduko hainbat eragileren eskutik, bizipen intentsuak izan ziren eta kalea agertoki.
Over recent weeks a public building in Nabarreria Street in Iruñea (Navarre, Basque Country) has become identified with social struggle. Maravillas gaztetxe or youth centre –a self-managed Basque community centre– It has been closed several times by the Government of Navarre and reoccupied by citizens.
Astelehenetik hasita, 'Gure garra hasia da, gure garrasia da' lelopean ospatuko dute gaztetxearen urteurrena. Prestatu dituzten gauzen artean hitzaldiak, mahainguruak, kontzertuak, umeentzako antzerkiak, tailerrak, edota bertso saioa daude. Herri bazkaria izan ezik, dena doakoa izango da.
Aurreko urteko irailaren lehenengo egunetan Deustuko Gazte Lokaletik alde egiteko 15 egun genituela esan zigun Bilboko Udalak. Gutun bidez jaso genuen huste-agindua harremanetan geunden bitartean. Lehenengo egunetik hasi ginen asmo honen aurka lanean, gure bizitza den Deustuko Gazte Lokala defendatzeko egin beharrekoa egingo genuela argi baikenuen.
Iruñeko Alde Zaharreko Maravillas Gaztetxea ixtearen kontra astearte eta asteazkenean foru poliziak egindako oldarraldietan euren lanean ari ziren hainbat kazetari ere eraso ditu, herritarrez gain.
