ARGIA.eus

2022ko uztailaren 05a

Isidro Yoldi hil da, Irutxuloko Hitzaren sustatzailea eta euskalgintzako kidea

  • Donostiako Amara Berriko Urrats euskaltegiko zuzendaria zen, eta irakasle gisa ibili zen lanean 30 urtez. Euskaltegiaren sortzaileetako bat izan zen. Amara Berriko Urrats euskaltegiko zuzendaria zen, eta irakasle gisa ibili zen lanean 30 urtez. Euskaltegiaren sortzaileetako bat izan zen. Herritarrek euskara doan ikasteko kanpainaren alde gogor egin zuen lan, baita langileen lan baldintzak hobetzeko.

Isidro Yoldi, Amara Berriko Urrats euskaltegian. (Argazkia: Irutxuloko Hitza)
2022ko maiatzaren 20a
Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.

Euskaltegian bakarrik ez, euskalgintzaren hainbat alorretan ere egin zuen lan, eta konpromiso handia izan du parte hartu duen egitasmo guztietan. Bere gerizpean babesa aurkitu dute hainbat proiektuk. Osakidetza euskalduntzeko hainbat bileratan ere parte hartu zuen. Askorentzat, euskalgintzako pieza klabea izan zen.

Irutxuloko Hitza-ren sustatzaileetako bat izan zen proiektuaren hasieratik, eta administrazio kontseiluko kidea zen. Proiektua sortzeko babesa eman zuten gizarte eragileen ordezkaria zen Yoldi. Amara Berrin bertan auzoko Berritsu euskara batzordean ibili zen. Euskararen aldeko hainbat jarduera bultzatu zituen auzoan. Besteak beste, euskarazko musika taldeen aldeko Garajetarrak egitasmoa, eta etorkinek euskara ikasteko Aisa proiektua. Oro har, harreman handia zuen Donostiako euskararen aldeko taldeetako kide guztiekin. Euskaltzalea eta mendizalea ere bazen; Egiako Aitzarte mendi taldean ibili zen.


Azkenak
2022-07-05 | ARGIA
Munduko kasik mila milioi lagunek buruko nahasmenduren bat dute

Depresioak eta antsietateak %25 egin zuten gora pandemiaren lehen urtean, Osasunaren Mundu Erakundearen arabera. Buruko osasunari duen garrantzia ematea eta osasun publikoa indartzea beharrezko jo ditu erakundeak, mende aldaketatik orain arte egin den datu bilketarik handiena... [+]


2022-07-05 | ARGIA
Iruñeko Kalixto taberna miatu du Espainiako Poliziak

San Fermin jaietan Kalixto taberna irekiko du Mugimendu Sozialistak Iruñean. Uztailaren 4 iluntzean Espainiako Poliziak lokala miatu du, drogen aurkako kontrol bat zela argudiatuta. Iruñerriko Kontseilu Sozialistak salatu du "beldurra eragiteko" ekintza... [+]


Etxebizitza turistikoak mugatzeko araudi berria bozkatuko dute Ipar Euskal Herrian

Euskal Elkargoak uztailaren 9an bozkatuko du testu berria, etxebizitza turistikoak murrizteko helburuarekin.


2022-07-05 | ARGIA
Nola antolatu klima larrialdiaren eta arazo sozialen aurrean?

Klima aldaketaren eraginaz eta erabakiak hartzen dituztenak presionatzeko mobilizazio ereduez, etxebizitzaren krisiaz, justizia sozialaz eta etorkizun jasangarri baterako alternatibez ikasteko eta eztabaidatzeko kanpalekua antolatu dute Alda eta Bizi! kolektiboek.


2022-07-05 | ARGIA
Katixa Dolhare-Zaldunbide izendatu dute Euskal Kultur Erakundeko lehendakari

Uztailaren 2an izendatu dute Euskal Kultur Erakundearen (EKE) lehendakari Katixa Dolhare-Zaldunbide idazlea eta ARGIAko kolaboratzailea. EKE erakundea 1990ean sortu zenetik, izan duen lehen emakume lehendakaria da.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude