Gipuzkoako Foru Aldundiak Lili Jauregian (Zestoa) Historiaurrearen Museoa egiteko proiektua bertan behera utzi duela jakitera eman du. Proiektua aurreko legegintzalditik dator eta orain, Zestoako proiektua gelditzeaz gain, Irunen eraikitzen ari diren Ondare Higigarrien Zentroan gainontzeko museoen ordenazio plana gauzatzea da helburua. Zentro hori Gipuzkoako museoen eta arte galerien ardatz bilakatu nahi dute eta museoen eta galerien arteko dinamizazioa eta trukaketa bideratuko dute bertatik.