“Gaztetxeen defentsa ez da hauen biziraupen fisikora mugatzen”
Azken hilabeteetan errealitateak irakaspen handiak eman dizkigu Iruñerriko gaztetxeetako kideoi, eta horiek plazaratzeko asmoz idazten dugu ohar hau.
Gaztetxeen izaeran eta jardunean bertan presente dago uneoro kanporatua izateko aukera, bai baitakigu langileriaren mesedetan artikulatutako proiektu edo tendentzia politiko baten norabidean aritzeak talka egiten duela ordena soziala (eta beraz, langileriaren zapalketa) mantentzea helburu duten instituzioekin.
Baina lurraldearen eta bertako ekoizpen bitartekoen jabe direnen helburu nagusia ez da guk berreskuratutako espazioen kontrola bermatzea, sarritan gu kanporatzeko mahai azpitik ustezko proiektuak ateratzen badituzte ere, krisi kapitalistaren testuinguruan ez baitute gaitasunik haien baliabide guztiei erabilera emateko. Gure aurkako erasoen jatorria beti ez badago baliabide fisikoen berreskurapenean (edo birdesjabetzean), orduan zergatik kanporatu nahi gaituzte guk kontrolatzen ditugun guneetatik? Argi dago, gu politikoki desartikulatzeko.
Baina ez hori bakarrik. Askotan ezin gaituzte gure guneetatik berehalakoan bota eta mota askotako mekanismoak martxan jartzen dituzte, gure potentzialitate politikoa bertan behera uzteko. Eta horien aurrean ere gure burua defendatu behar dugu.
Horren zenbait adibide izan ditugu Iruñerrian azken hilabeteetan. Hasteko, apirilean Iruñeko Udalak ezarri zuen hiri-ordenantza dugu, bere eremuan zeuden gaztetxeei ekimen publikoak egitea debekatzen ziena. Egun, batez ere, Errotxapeako gaztetxeari eragiten dio horrek, baina etsaiak tresna hori erabiltzeko bidea irekitzea gaztetxe eta gune autogestionatu guztien aurkako eraso zuzena da. Hala ikusi dugu Maravillas gaztetxearekin elkartasunez antolaturiko bertso-afaria debekatu zenean bertsolariak mehatxatuz; edo antzeko gauza egin zenean otsaila erdialdean antolaturiko kontzertu baten kasuan, beste leku batean eginda ere, materiala garraiatzen ari zirenak identifikatu eta gaztetxe barrura sartzera iritsiz, argazki-saio eta guzti. Erasoen izaera erabat politikoa agerian geratzen da, Maravillasen elkartasunean prestatutako bertso-afaria debekatu baitzuten, baina M8an egin zen bazkari jendetsua erasotzeko zilegitasun faltan, hor ez zuten eskua sartu.
Gure espazioetatik kanporatzeaz gain gure desartikulazio politikoa bilatzen duen beste eraso argia dugu Maravillasen desalojoen harira abiatutako prozesu errepresibo juridiko-ekonomikoa. Gaztetxearen aldeko eta desalojoaren aurkako indarraren parte izan ziren kideei isun ekonomiko handiak jarri zaizkie (osotara ia 110.000€ izan daitezke), eta 35 pertsona baino gehiago epaituko dituen epaiketa prozesua martxan jarri dute, pertsona bat espetxeratua izateko arriskua dagoelarik. Bide batez, lerro hauek aprobetxatu nahi ditugu gaur, martxoaren 11n deklarazioak hasiko direla eta astearte 12 eta ostegunean 14an jarraituko dutela gogorarazi eta deklaratuko dutenei elkartasuna adieraztera dei egiteko.
Hortaz, esandakoarekin argi geratzen da gaztetxeen defentsa ez dela hauen biziraupen fisikora mugatzen, edo desalojoak ekidin eta hauei aurre egitera, baizik eta gaztetxeen biziraupen eta garapen politikoa bermatzea ere defentsa dela, gure desartikulazio politikoa zuzenki konfrontatuz. Iruñerriko gaztetxeak horretan gaude eta horretan trebatuko gara, aipaturiko prozesu guztien aurkako borroka abiatuko baitugu.
.
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
