Irregulartasunekin hasiko da Berta Caceresen hilketaren kasuaren epaiketa
Epaiketaren data hiru aldiz atzeratua izan ostean, urriaren 19ko ostiralean emango zaio hasiera epaiketari. COPINHek (Honduraseko Erakunde Herritar eta Indigenen Hiri-Kontseilua) eta Caceresen familiak hilketaren autore intelektualak akusatuen aulkian jarriko ez direla salatu dute hasieratik, eta epaiketa justu baten alde borrokan ari dira.
aurre egingo dieten hedabide independenteak
Tegucigalpako (Honduras) Botere Judizialeko bozeramaile Lucía Villars-ek jakinarazi du ostiralean ekingo zaiola epaiketari, eta alde guztiak deituta daudela. COPINHek asteazkenean salatutakoaren arabera, aldiz, jakinarazpenik egin gabe eta legezko instantziei bide eman barik zabaldu da deialdia. “Irregulartasunak hortxe diraute. Konplota geroz eta nabarmenagoa da. Ez dugu nahi zigorrik, bidezko epaiketa nahi dugu”, irakurri daiteke Twitter bidez zabaldutako mezuan.
Irailaren 10ean zen hastekoa Caceresen hilketaren gaineko epaiketa, baina lehenengo data hori irailaren 17ra arte atzeratu zen “frogen proposizioa egun batzuk luzatu zelako”, Naizek jasotzen duenez. Hilaren 17an aldiz, auzitegiak epaiketa aurreko prozesu osoan egindako irregulartasunak eta hilketaren autore intelektualak (hilketa prestatu eta berau burutzeko sikarioak kontratatu zituzten norbanakoak) epaitzeko borondate falta tarteko, COPINHek eta Caceresen familiak Honduraseko Fiskaltzari errekurtsoa jarri zion Justizia Gorte Goreneko Epai Auzitegiaren kontra, epaimahaia aldatzea exijituz. Bi data luzapen horien ostean, auzitegiak urriaren 15erako deitu zuen epaiketaren hasiera eguna. Deialdia “ilegalki” egin zela salatu zuen COPINHek, eta Berta Caceresen familiarekin batera, akusazio partikular gisa, ezespenari eutsi zion. “Akusazio partikularrak bidezko prozesu bat exijitzen du, dauden irregulartasun guztiekin ezin daiteke epaiketa hasi”, adierazi zuen COPINHek. Irregulartasun horiekin ekingo zaio epaiketari ostiralean.
“DESA errudun”
2016ko martxoaren 3an hil zuten Berta Caceres ekintzaile indigena, ekologista eta feminista La Esperanzako (Honduras) bere etxean. Hilketan, ondoan zuen Gustavo Castro ekintzaile ekologista mexikarra ere zauritu zuten, krimeran testigu bakarra.
Epaiketarekin batera, “DESA Errudun” kanpaina martxan jarri du COPINHek, Caceresen hilketan DESA (Desarrollos Energéticos S.A.) enpresak daukan erantzukizuna bistaratzea xede. Caceresen borrokan jo puntuan zegoen “Agua Zarca” proiektu hidroelektrikoaren jabea da DESA enpresa. Proiektuak eraiki asmo zuen presa hidroelektrikoaren eraikuntzaren aurrean, lenca herria eta Gualcarque erreka gogor defendatu zituen Caceresek, eta horregatik erahil zuten. DESA enpresa Caceresen heriotzaren atzean dagoela ondorioztatzeko hainbat ebidentzia daude.
COPINHek azpimarratu duenez, Caceresen kausa antzerako proiektuen aurrean beraien lurraldea defendatzeagatik urtero erahiltzen dituzten 200 pertsonatik gorak borrokatutako kausa berbera da, baita herrien eskubide kolektiboak eta maila internazionalean emakumeen eskubideak aldarrikatzen dituzten erakundeena ere. Adierazi dutenaren arabera, gobernuen eta indar amatuen konplizitatearekin hainbat enpresek beraien “garapenaren” ikuspegia inposatzeko daukaten inpunitatea ageriko egiten du Caceresen hilketak. Kanpainak guzti hori bistaratzea du xede.
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Eguzki elkarte ekologistak salatu du Donostiako parkean gertatutakoa. Parkean bizi diren hainbat paumari lumak erauzi dizkiote, odoletan utzita. Beraz, erasoa izan dela ondorioztatu dute eta ez dela hegaztien lumaberritze prozesu naturala izan. Eguzki
Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Maiatzaren 5ean “Lo Vimos en Irun” WhatsApp taldea sortu zenetik, 700 lagun baina gehiago bildu dira larunbatetan patruilak antolatzen dituen taldera. “Segurtasuna bermatzeko” eta “delituak prebenitzeko” aitzakien gibelean, gorrotoaren haztegi... [+]
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
EAEko Justizia Auzitegi Nagusiak ezetza eman zion ABRA Arabako Errioxako Upategien Elkarteak bultzatutako sor-markari. Elkarteak helegitea jarri zion ebazpenari, eta orain Espainiako Auzitegi Gorenak ezetza berretsi du.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Applen lan egiten duen ikertzaile talde batek adimen artifizialaren (AA) esparrurako egindako ikerketa baten emaitza argitaratu dute. Izenburu esanguratsua du: The Illusion of Thinking. Euskaraz, bere izenburu luzean, honela: Pentsatzearen ilusioa: arrazoitzeko ereduen... [+]