2020ko uztailaren 09a
Aurtengo irailean hil zen Iñigo Muguruza musikaria, Kortatu, Negu Gorriak, Joxe Ripiau eta Delirium Tremens taldeetan aritutakoa besteak beste. Abenduaren 17an, haren urtebetetze egunean, omenaldia egingo diote Bilboko Kafe Antzokian.
Fermin Muguruzak eman du berria sare sozialetan: esplikatu duenez, Iñigo Muguruzarekin batera aritutako musikari eta sortzaileek parte hartuko dute Bilboko ekitaldian. Kartelean, besteak beste, zendutako musikariaren azken taldeen izenak agertzen dira, Hiru Leike, Lurra eta Sagarroi.
Abenduaren 17an, Iñigo Muguruzaren urtebetetze egunean, omenaldia egingo diogu berarekin aritu ginen sortzaile eta musikariok.
Bilboko @kafeantzokia 20:00
Sarreren salmenta azaroaren 15ean, ostiralean, goizeko 11:00tan hasiko da Kafe Antzokiko webgunean:https://t.co/HJdGOqGARZ pic.twitter.com/ZLZ5MTDwh4
— Fermin Muguruza (@muguruzafm) November 12, 2019
Horietaz gain, Barixeku, Pikete Lerroa, Delirium Tremens, NG Brigada Peligrox, Tenk –X. Lopez, S. Noain, Karlos Osinaga eta Martxel Mariskal– eta Zati bat (Ezekiel) –Miren Gaztañaga, Ander Lipus eta Asier Ituarte– ere ariko dira.
Azaroaren 15ean jarriko dira sarrerak salgai, Kafe Antzokiko webgunearen bitartez.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
