Hildako 100.000 arrainetik gora bota zituen Bizkaiko Golkoan munduko bigarren arrantzontzirik handienak
3.000 metro koadroko alfonbra zuri bat bailitzan, hildako milaka arrainek osatutako orbain zuri bat aurkitu dute Sea Shepherd aktibistek asteburuan Bizkaiko Golkoan, La Rochelle parean. Haserre handia eragin dute irudiek Frantziako Estatuan. FV Margiris ontziak arrantzatuak eta bertatik eroriak izan dira animaliok, aitortu dutenez.
Isuria joan den ostegun goizaldean gertatu zen FV Margiris ontzi holandarrari sarea hautsi ostean, Pelagic Freezer-Trawler elkarteak adierazi duenez. Munduko bigarren arrantzontzirik handiena da hau.
Sea Shepherd elkarteak argitaratu zituen hildako arrainen irudiak.
Frantziako itsaso gaietako ministro Annick Girardinek adierazi du irudiak "inpaktanteak" iruditu zaizkiola eta ikerketa abiatzeko eskatu duela.
Europako Batzordeko Ingurugiro, Ozeano eta Arrantza gaietako komisario Virginijus Sinkeviciusek ere esan du "kasuari buruzko informazio eta proba zehatzak" bilatzen ari direla.
Margiris gisako ontziek kilometro bat baino luzeagoak diren sareak erabiltzen dituzte arrastre-tekniken bidez arrainak harrapatu eta ontzian bertan dituzten faktorietan prozesatzeko. Ingurugiroaren aldeko ekintzaileek gogor kritikatzen dute praktika hau.
Laborantza lur emankorrak ondasun kolektibo bilakatu nahi ditu Amillubi proiektuak. Horretarako herritarren eta hainbat kolektibo eta erakunderen ekarpenak biltzen ari da eta maiatzaren 11rako egun osoko festa antolatu du Amillubin bertan, egitasmoari bultzada emateko.
Maiatzean beteko dira 100 urte Euskal Mendizale Federazioa (EMF) sortu zela, orduan ere oihartzun handia izan zuen eta Elgetan izan zen ekitaldi batean (1924ko maiatzaren 18an). Mendeurren hau ospatuko du EMFk logikoki, eta izen aproposa ere asmatu diote: Mendiurrena.