Ostiralean abiatuko da azpiegitura txikitzaileen aurkako Txirrinka ekimena
Ehunetik gora taldek sustatutako Txirrinka, txandakako bizikleta martxa, maiatzaren 20an abiatuko da Hendaiatik. “Lurra zaindu, eredu soziala eraldatu! AHT eta proiektu txikitzaileak borrokatu!” leloarekin, asteburuan Euskal Herrian barna ibiliko diren lau zutabeek Bergaran egingo dute bat igande eguerdian.
Antolatzaileen aurreikuspenen arabera, maiatzaren 22ko eguerdiko 12:00etan elkartuko dira, Bergarako Labegaraieta kiroldegiaren inguruan, Muskiz, Gasteiz, Hendaia eta Iruñetik abiatutako lau zutabeak. Hendaiakoa ez beste hirurek larunbatean hasiko dute ibilbidea.
Arabako zutabeak Aramaion egingo du larunbateko gaua, Bizkaikoak Elorrion eta Nafarroakoak Urretxun, Sakana eta Gipuzkoako Goierri zeharkatu eta gero. Hendaiatik abiatuko den zutabea, berriz, Donostiaraino iritsiko da ostiralean, eta handik Urretxura arteko tartea egingo du larunbatean.
Igandean, behin txirrindulari guztiek bat eginda, lau kilometroko manifestazioa egingo da (oinez) Bergarako herrigunetik Angiozar auzora. Han, ekintza sinbolikoa egingo dute Abiadura Handiko Trenaren lanen eremuan. Amaiera ekitaldia Angiozarreko pilotalekuan izango da, eta ondoren herri bazkaria egingo dute.
AHTri berebiziko sinbolismoa emango badiote ere, Txirrinkaren antolatzaileek Euskal Herriko “proiektu suntsitzaile” guztiei egin nahi diete kritika: “Azken urteotan azpiegitura erraldoien plangintza eta eraikuntza amorratua izan da: garraio politika itxuragabea (AHT, autobide sarea, aireportuak…), energia gainezartzea (Garoña, zentral termikoak, frackinga, goi tentsio lineak…), uraren eta beste baliabide batzuen metaketa neurriz gainekoa, zaborren tratamendu kutsakorrak…”. Bizikleta martxa antolatzearekin batera, Txirrinka azpiegituren aurkako erresistentzien Euskal Herriko mapa osatzen ari da, ekimenaren webgunean ikus daitekeena.
Proiektuon aurka agertzeaz gain, jendarte eredua eraldatzeko deia egin nahi dute Txirrinkaren bidez: “Hainbeste azpiegitura txikitzaile behar duen sistema hau irauli behar dugu”. Besteak beste, gaitzetsi egin dute era horretako egitasmoek milioika euro berenganatzea, prekarietatea eta bazterkeria zabalduz doazen honetan.
Adimen artifizialarekin garatutako tresna bat da IA-Speak. Bi erabilera nagusi izanen ditu: mintzamena itzultzen duen gailu bat eta erabiltzaileen mintzamena aztertzen duen plataforma bat.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Fitxa: Musika Hamabostaldia. Victoria Eugenia Zikloa. Mitsuko Uchida (pianoa).
Egitaraua: Beethovenen hiru azken sonatak.
Lekua: Donostiako Victoria Eugenia Antzokia.
Data: abuztuaren 18a.
Mitsuko Uchidak Musika Hamabostaldia bisitatzen duen hirugarren aldia da. Bere estiloak... [+]
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.