Gazte Topagune Sozialista “berme guztiekin” antolatuko dute GKS eta IAk

  • EH Bilduk eta Sortuk “jarrera baztertzaile eta debekatzaileekin jarraitzen" dutela salatu eta Topagune Sozialistaren egitaraua "berme guztiekin" egin dadin "moldatu eta egokitu" behar izan dutela adierazi dute GKSk eta Ikasle Abertzaleak antolakundeek.

Agerraldia egin dute Burlatako udalaren parean (Argazkia: Gedar)

2023ko urriaren 04an - 09:20
Azken eguneraketa: 12:14

Burlatako udalaren parean elkartu dira astearte honetan Gazte Koordinadora Sozialistako (GKS) zein Ikasle Abertzaleakeko (IA) hainbat kide. Azken asteetan EH Bildu-Sorturen partez "jasaten ari diren beto politikoa" salatu eta Gazte Topagune Sozialistak aurrera jarraitzen duela esan dute: “Gazteok bizi dugun pobretze egoeraren aurrean kontzientzia politikoa pizteko eta pentsamendu kritikoa sustatzeko elkargune bat modu burokratiko batean debekatzea guztiz onartezina da; are gehiago, motibo politiko eta arbitrarioetan oinarritutako debekua denean”.

Topagune Sozialistako egitaraua bi egunetara murriztuko dute. Urriak 13 eta 14an egingo da, Atarrabian eta Burlatan.

“Izaera politikoa” izango duen egitarau gisa definitu dute eta milaka "gazte politizatu" batzeko espazioa izatea nahi dute, "pentsamendu kritikoa sustatzeko" eta gizarteak bizi duen "krisi" egoeraren aurrean "kontzientzia politikoa pizteko". Formakuntza politikoan zentratuko den egitaraua izango da, bi egun horietan hitzaldiak eta aldarrikapenak egitera bideratuta egongo dena: “Gazteon pentsamendu kritikoa bultzatzeko, ez dugu udal debekatzaileen baimenik behar”. Konpromisoa hartu dute, gainera, egunez izango diren ekimenak ez dutela inolaz ere “herriko egunerokotasuna oztopatuko”.

Gazteek salatu dute egoerari "irtenbide" bat emateko EH Bildu-Sortuk "pasiboki" jokatu duela: “Ez dugu beraien partetik inolako erantzunik jaso eta hartu dituzten erabakien zergatiak azaldu ordez, auzotarrak eta herritarrak Mugimendu Sozialistako kideon aurka jartzen saiatu dira”.

Antolakuntzarako deia

Aurrerantzean, gisa honetako “debeku” eta “arbitrarietateak” errepikatu ez daitezen, “langileak instituzioetatik harago politika egiteko ditugun eskubideak defendatzea” beharrezkoa dela azpimarratu nahi izan dute. Gazte Topagune Sozialista "berme guztiekin" egiteko konpromisoa berresteaz gain, Atarrabia eta Burlatako gazteriari eta, oro har, herritar guztiei bertako ekimenetan parte hartzeko deia luzatu diete.  


Kanal honetatik interesatuko zaizu: Gazte Koordinadora Sozialista
NATOri eta EBri palestinarren genozidioaren konplize izatea leporatu diete Donostiako kanpalditik

GKSk kanpaldia abiatu du asteazkenean Artzain Onaren katedralean, eta mobilizazioa egingo dute ostegun arratsaldean. Ohartarazi dute Palestinako Estatua formalki aitortzeak ez duela palestinar herriaren egoera aldatuko. Kanpaldia ostiral arratsaldean amaituko dutela jakinarazi... [+]


2024-05-28 | ARGIA
Bilbon eta Gasteizko txosnetan Mugimendu Sozialistari parte hartzen uzteko eskatu dute 150 kulturgilek

“Desadostasun ideologikoen gainetik”, jai herrikoiek denon espazio izan behar dutela ulertuta, txosnetan GKSri eta Etxebizitza Sindikatuari Gasteizen eta Luberri Konpartsari Bilbon betoa jarri dietela salatu eta konponbidea eskatu dute 150 bat artistak. Tartean dira... [+]


Erkorekak GKSk Gasteizen “eragindako istiluak” salatu ditu eta Ertzaintzaren jokabidea babestu du

Eusko Jaurlaritzako Segurtasun sailburuaren arabera, gazteek ertzainei “bortizki eraso” zieten, eta “erabat gaitzetsi” ditu jokabideak.


2024-04-02 | Hala Bedi
GKSk poliziaren jazarpena salatu du eta alderdi politikoen isiltasuna deitoratu

Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]


Eguneraketa berriak daude