Gazan, 110 palestinarretik bat erail dute sionistek
Urriaren 7tik hona, 20.000 palestinar erail dituzte Gazan, eta zenbaezinak dira zaurituak eta desagertuak.
aurre egingo dieten hedabide independenteak
Sionisten eraso masiboek eta sistematikoek ez dute etenik Gazako Zerrendan: gora eta gora egiten jarraitzen du hildako palestinar kopuruak. Argitaratu dituzten azken datuen arabera, urriaren 7tik hona, ia 20.000 palestinar erail dituzte Gazan, eta horietatik 8.000 inguru ziren haurrak.
Eraildako pertsona kopurua hobeto irudikatzeko, erraz atera daiteke proportzio bat: Gazako Zerrendan 2,2 palestinar inguru bizi direla kontuan hartuta, azken hilabeteetan 110 biztanletik bat erail dute sionistek, gutxi gorabehera.
Herri oso bat
20.000 palestinar dira urriaren 7tik hona indar israeldarrek eraildakoak, eta beste alderaketa batek ere lagun dezake agian horren ikaragarrizko dimentsioa irudikatzen. Euskal Herriko ondoko udalerriek 20.000 biztanle edo gutxiago dituzte (2021eko datuen arabera): 19.997 Tolosak (Gipuzkoa), 19.587 Amorebieta-Etxanok (Bizkaia), 19.537 Barañainek (Nafarroa), 18.949 Lasarte-Oriak (Gipuzkoa), 17. 810 Laudiok (Araba), 17.662 Mungiak (Bizkaia), 16.904 Hondarribiak eta 16.855 Gernika-Lumok (Bizkaia).
Milaka zauritu, desagertu eta errefuxiatu
Datu izugarri horiez gain, jada zenbaezinak dira Israelgo indarrek zauritutako eta desagerrarazitako palestinarrak. Gainera, ehunka eta ehunka bahitu eta preso hartu dituzte. Hori gutxi balitz, Gazako Zerrendatik kanpo ere areagotu da palestinarren kontrako indarkeria: Zisjordanian ere, militar nahiz kolono sionistek etengabe egiten diete eraso palestinarrei.
Duela hilabete eskas argitara ateratako datuek zioten, gainera, urriaren hasieratik 1,5 milioi gazatarrek egin behar izan dutela ihes euren etxeetatik eta lurretatik, sionisten erasoen ondorioz. Nagusiki, Gazako iparraldetik hegoaldera egin behar izan dute alde, nahiz eta azken hilean iparraldean ere areagotu dituzten erasoak indar israeldarrek. Ez dago leku segururik Gazan, eta ihesaldian ere askotariko erasoak jasaten dituzte palestinarrek.
Israelgo inteligentzia-zerbitzuen dokumentu bat filtratu zenean, mahai gainera atera zen sionistek izan dezaketen berehalako plana: Gazako palestinarrak euren lurretatik botatzea eta Egiptoko Sinai eskualdera kanporatzea, okupazio-asmoekin jarraitzeko.
Abenduaren hasieran, Israelgo Defentsa ministro Yoav Gallantek ulertzera eman zuen beste bi hilabetez luza daitekeela sionisten ofentsiba militarra.
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
Guido Crosetto Italiako Defentsa ministroak iragarri duenez, Kretatik gertu zihoan ontzi militar bat "misio humanitarioan" hurbilduko da Flotillara .
Asteazken arratsaldean Palestinaren aldeko eta genozidioaren aurkako aldarriak hartu du Donostia. The voice of Hind Rajab filmaren emanaldia izan da lehenik Zinemaldian, ikusleen txalo zaparrada artean, eta ondoren manifestazio jendetsu batek zeharkatu ditu hiriko kaleak.
“Nahiago nuke Gaza itsasoan hondoratuko balitz”, esan zuen Yitzhak Rabin lehen ministro israeldarrak 1992an. Eskuin muturreko kolono judutar batek hil zuen eta ez du ikusiko, baina nola hala asmatze bidean doa, gazatarrei itsasoan itotzea baino beste irtenbiderik ez... [+]
2023ko urriaren 7tik urte bi bete diren honetan, Palestinako Presoen Elkarteak eta Espetxeratutakoen Batzordeak kaleratutako txosten batek alarmak piztu ditu: bertan salatzen dute Israelgo kartzeletan dauden preso gazatarrek “muturreko tortura eta abusuak”... [+]
Leherketak barkuetan eta barku inguruetan, drone andana ontziditik gertu, komunikazioan eteteak, ontzietara jaurtitako objektuak… Sumud Global Ontzidiaren aurkako erasoak biziki ugaritu ditu Israelek eta arriskuaz ohartarazi dute bidaiariek. Babesa eskatu diote NBEri.
Gaza hiria, K.a. 332. Alexandro III.a Mazedoniakoa (K.a. 356-323) eta bere armada hiriko harresietara iritsi ziren. Bi urte ziren Alexandro Handiak bere konkistak Asia aldera bideratu zituela, eta hilabete gutxi batzuk Tiron pertsiarren kontra garaipen handia lortu zuela... [+]
FINANTZAK ETA INDUSTRIA
AXA
Frantziar aseguru enpresak Israelgo bankuei dirua mailegatzeari utzi zion 2024ko abuztuan, DBZ eta Ekō elkarteen urtetako kanpainaren ostean.
Sidenor
Israelgo armadari altzairu militarra saltzen zion Euskal Herrian egoitza... [+]
Ikuspegi zorrotzeko gizona, ahobizarrik gabe mintzo da Rashid Khalidi (New York, 1948). Jatorri palestinar eta libanoarreko historialari estatubatuarra da, Ekialde Hurbilean espezialista. Palestinako politikagintzan eta diplomazian parte hartze zuzena izan duen familia bateko... [+]
2018ko uztailean, CAF Beasaingo enpresa batzordeak lehen aldiz eskatu zion ofizialki CAFeko zuzendaritzari Jerusalemgo tranbiaren esleipen konkurtsoan ez parte hartzeko. Momentu horretan egoerak gaurkoarekin zerikusirik ez bazuen ere, ohiko trenbide batetik harago, proiektu hori... [+]
