Ezkerraldeko eragile sozial, langabe batzar, sindikatu eta langile batzorde hainbatek deituta, manifestazioa izango da larunbatean eskualdeko "desindustrializazioa" salatzeko. Euskal gehiengo sindikalak –ELA, LAB, EILAS, EHNE eta Hiru sindikatuek– bat egin dute mobilizazioarekin. ELAko ordezkari Iñaki San Andresen iritziz, eskualdeko egungo egoerak "atsekabea" sortzen du.
Izan ere, azken urtean %19ra heldu da langabezia tasa eskualdean, krisiaren aurretik zegoena bikoiztuz. Egun, ia 20.000 langabetu daude eskualdean, eta beste 2.000 langilek lanpostua galdu dezakete hurrengo asteetan, era zuzenean edo zeharkakoan. Gainera, sindikatuetako ordezkariek salatu dutenez, Ezkerraldeko 40.000 langilek 900 eurotik beherako soldata jasotzen dute.
Manifestazioa larunbat eguerdian abiatuko da Sestaoko enparantzatik eta Barakaldora arteko ibilbidea egingo du.
Ixtear dauden enpresen artean Trapagarango ABB Galindo dago. Kaleratuak izango diren langileek bideo umoretsua egin dute euren egoera salatzeko.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Guillermo Camus Jara izena du eta Txileko Lebuko kartzelan dago. Egoera larrian da, gose greba luzeaz gain, ostiraletik egarri grebari ere ekin baitio.
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Larunbatean egin zuten ekintza, Bilbo erdigunean. Honela zioen pankartak: Bilbo Palestinarekin. Hiri antisionista. Israeli boikota. Hotelaren sarreran hamarnaka lagunek Palestinaren aldeko eta Israeli boikota egiteko deia egin dute.