Europarlamentuko presidenteak Open Arms-en ontzia porturatzeko laguntza eskatu dio Europar Komisioari
Open Arms GKE katalanaren ontziak zortzi egun daramatza Lampedusako portutik 29 miliara. 121 migratzaile erreskatatu ditu ontziak, eta kapitainak salatu du, bero eta nekeaz gain, jana eta ura agortzen ari dela.
David Sassoli Eurokamarako presidenteak ezaxolarena egiteari uztea eskatu dio Jean-Claude Juncker Europar Komisioko presidenteari. Junckerrek adierazi du arazoa konpondu nahi duela, baina estatu-kide baten eskaera behar duela irtenbide bat koordinatzen hasteko.
Estatu-kide bakar batek ere ez du adierazi migratzaileak jasotzeko prestutasuna; GKEak Frantziari eta Alemaniari espresuki eskatu die migratzaileak jasotzea, baina hauek ez dute erantzun. Carmen Calvo Espainiako jarduneko lehendakariordeak prentsaurrekoan adierazi du ez dutela parte hartzeko asmorik: “Ez dugu zertan egin”, esan du Calvok.
Open Arms GKEak behin baino gehiagotan eskatu die Italiari eta Maltari porturatzeko laguntza, eta herrialde hauek esan dute ontziak jasoko dituztela, baldin eta beste estatu batek migratzaileak segidan hartuko dituela hitz ematen badu.
Laguntza eskatzeko mezu hunkigarriak zabaldu ditu David Sassolik sare sozialen eta Italiako La Reppublica egunkariaren bitartez: “Europak ez baditu Mediterraneoan zailtasunak dituzten eta bizitza hobe baten bila dabiltzan pertsonak laguntzen, bere arima eta bihotza galduko ditu”, zabaldu du Europarlamentuko presidenteak Twitter bidez.
Hala ere, David Sassoli italiarrak ez du adierazpenik egin bere herrialde eta gobernuari buruz. Asteartean Matteo Salvini Italiako Barne Ministroaren neurriak lege bihurtu zituen senatuak, eta halako legeak dira GKEen lana gehien oztopatzen dutenak, baina Eurokamarako presidenteak ez du honen inguruan iritzirik eman.
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.