Euroliga Gasteizen: akordioak ez duela legea betetzen azaleratu dute bi txosten teknikok
Gasteizko Udalaren bi txosten teknikok zalantzan jarri dituzte bertako instituzioek Euroligarekin sinatutako akordioaren hainbat puntu, Arabako hiriburuak jasoko duen 2019ko Final Four saskibaloi finalaren harira, SER irratiko kazetari Iker Armentiak jakinarazi duenez.
SER irratiak eskuratu duen dokumentazioaren arabera. hitzarmenak "oinarrizko hutsuneak ditu" eta "ez ditu Sektore Publikoaren Erregimen Juridikoaren Legearen eskakizunak betetzen".
Gasteizko Udalak pasa den ostiralean sinatu zuen akordioa Euroligarekin. Instituzioak milioi bat euro jarriko du, Arabako Diputazioak 1,5 milioi euro, eta Jaurlaritzak beste 1,5 milioi. Orotara, hortaz, Final Four-a hartzeko 5 milioi euro jarriko dituzte euskal administrazioek. Euroligak zenbat diru jarriko duen ez da publiko egin, eta hori da hain justu txosten tekniko biek azaleratu duten hutsuneetako bat. Babesle, publizitate, merchandising edota segurtasun kontuetan ere "argitasun handiagoa" eskatu dute Udalaren txostenek, baita hitzarmenaren iraupenari dagokionez ere. Udal gobernuak, bere aldetik, akordioaren formula "erabat justifikatua" dagoela azaldu du.
Azken hitza: epaitegi suitzar batek
Euskal instituzioen eta Euroligaren arteko akordioan aipatzen da "suitzar zuzenbidearen arabera zuzentzen eta interpretatzen" dela. Beraz, aldeen artean desadostasunik balego, egoitza Luganon duen Arbitraje-Auzitegiak erabaki beharko luke. Udalaren txostenak eskatu du klausula hori bertan behera utzi eta Espainiako Estatuko, EAEko eta Arabako legeak aplikatzeko.
"Ikuskizun handi bat gorpuzteko beharrezko elementua jendea da, eta Gasteizko Final Fourrean horrelakorik apenas izan dugu."
Eusko Jaurlaritzaren txosten juridiko baten arabera, Gasteizen Euroligako Final Fourra antolatzeko hitzarmena ez da legezkoa hainbat puntutan. Aurretik, Gasteizko Udaleko zerbitzu juridikoek ere antzeko zerbait adierazi zuten.
Europako saskibaloi txapelketaren finala Gasteizen egingo da maiatzean, eta berau antolatzeko 4 milioi euro jaso dituzten arren, doan (ez otordu, ez garraio, ez bestelakoei aurre egiteko ordainsaririk jaso gabe) lana egingo duten 170 boluntario eskatu dituzte. Lege iruzurra izan... [+]
Maiatzaren 17, 18 eta 19an antolatuko dute Europako saskibaloi txapelketaren finala Gasteizen. Antolakuntzak jakinarazi duenez, egun horietan 170 lagun behar dituzte "boluntario" lan egiteko. Ez dute bidaiarik, ostaturik eta diru-saririk jasoko trukean. Hala Bedik jaso... [+]