Espainiako Auzitegi Gorenak ez du Junqueras behin-behinean kaleratuko
Junquerasen defentsak kaleratzea eskatu zuen kautelazko neurri bezala, baina Gorenak Hauteskunde Batzordearen alde egin du. Espainiako Auzitegi Gorenak hurrengo egunetan erabakiko du nola bete behar den Junqueras eurodiputatu bezala aitortzen duen Europako Justizia Auzitegiaren epaia.
Espainiako Hauteskunde Batzordearen epaia behin-behinean indargabetzea baztertu du Auzitegi Goreneko Auzien Aretoak ostegun eguerdian. ERCko burua zuhurtasun-printzipioz askatzea eskatu zuen haren defentsak. Epai irmo bat dagoela argudiatuz eman du ezetza auzitegiak, 2017ko erreferendumaren arduradun nagusien aurka Gorenak 2019ko urrian ezarritakoa: “Kondena-ebazpen hori egoteak berekin dakar errekurtsogilearen eskaera ez onartzea”.
Auziak irekia jarraitzen du
Oriol Junquerasek preso jarraituko du, momentuz. Auzia ez dago itxia, ordea. Hurrengo egunetan Goreneko Zigor Aretoak beste ebazpen garrantzitsu bat kaleratuko du: Europako Justizia Auzitegiaren epaia nola bete behar den erabaki behar du.
Abenduaren 20an Europako Justizia Auzitegiak epaia eman zuen, adieraziz Junquerasek immunitatea zuela 2019ko maiatzean herritarrek eurodiputatu hautatu zutenetik. Gorenaren zigorra geroago heldu zen, urrian. Urtarrilaren 3an Espainiako Hauteskunde Batzordeak, ordea, ebatzi zuen ERCko burua ezin dela eurodiputatu izan haren aurkako sententzia irmoa duelako. Junquerasen defentsak helegitea aurkeztu zuen Gorenean, eta orain Zigor Aretoak erabaki beharko du Europako epaia nola bete.
Estatuaren abokatuak Junqueras behin-behinean askatzearen alde egin du. Baina Europako Parlamentuari suplikatorioa eskatzea proposatzen du ere, immunitatea kendu eta epaia indarrean jartzeko. Fiskaltzak ERCko burua preso mantentzearen alde egin du. Askatasuna berreskuratuko balu ere, beraz, ikusi egin beharko litzateke zenbat denborarako litzatekeen.
Carles Puigdemontek Twiiterren idatzi du, erabakia “akats larria” dela adieraziz, “beste bat”:
Gravíssim error, altre cop, de l'Estat espanyol. De ridícul en ridícul fins al col·lapse final: Oriol @junqueras és eurodiputat i acabarà exercint-ne, i qui pot quedar inhabilitat és un Estat que permet una desobediència tan flagrant dels tribunals europeus. https://t.co/4SpiIwHQzS
— Carles Puigdemont (@KRLS) January 9, 2020
Itxura guztien arabera, PSCko Salvador Illa izango da Generalitateko hurrengo presidentea, norbait izatekotan. Bestela, hauteskundeak errepikatzeko aukera dago. Egungo presidente Pere Aragonés eta ERCk jaitsiera handia izan dute. Abstentzioa %41ekoa izan da.
Kataluniako Parlamentuko gehiengo independentistaren galerak eta hemizikloa eskuinerantz eta espainolismorantz biratzeak gobernagarritasuna zailtzen dute. Maiatzaren 30eko Espainiako Diputatuen Kongresuko osoko bilkurak, Amnistiaren Legea bozkatu behar duenak, eta ekainaren 9ko... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]