Eskuin muturrak zabaldutako migranteen aurkako mezuei hesia jarri diete herritarrek Urruñan
Eskualdeko hauteskundeen kanpaina migranteen kontrako agerraldi batekin hasi du eskuin muturreko Rassemblement National alderdiak, otsailaren 16 goizean Irun eta Urruña arteko zubian. Herritar andana elkartu da parean, "faxistak kanpora" oihuka, besteak beste Etorkinekin izeneko harrera sarea, Ipar Euskal Herriko Sare Antifaxista zein EH Bai koalizio abertzaleak deituta. Ekhi Erremundegi Iparraldeko Hitza eta Berriako kazetariak sare sozialetan zabaldu ditu bertatik bideoak eta argazkiak.
Ekhi Erremundegi kazetariak grabatutako bideoan ikus daitezke, alde batean, Rassemblement National eskuin muturreko alderdiak bildu dituen 17 pertsona, eta beste aldean, "zuek, faxistak, zarete terroristak" oihuka aritu diren dozenaka herritar.
Eskualdeko hauteskundeen kanpaina hasiera migranteen kontrako agerraldi batekin hasi du @RNational_off alderdiak Hendaian. Herritar andana elkartu da parean "faxistak kanpora" oihuen artean @berria pic.twitter.com/eJHqwBEvZL
— Ekhi Erremundegi (@EkhiErremundegi) February 16, 2021
Ondoren migranteen aurkako pankarta zabaldu du eskuin muturrak eta tentsio uneak bizi izan dira.
Alde bateko eta besteko oihuak @berria pic.twitter.com/z21Ri0AsCf
— Ekhi Erremundegi (@EkhiErremundegi) February 16, 2021
Amaia Fontang Etorkinekin kolektiboko kideak Ekhi Erremundegi kazetariak egin dion elkarrizketan nabarmendu du "Euskal Herria harrera herria dela":
Amaia Fontang Etorkinekin kolektiboko kidearen adierazpenak @berria pic.twitter.com/R1MiyttALX
— Ekhi Erremundegi (@EkhiErremundegi) February 16, 2021
EH Bai-k ohar bidez adierazi du "gorrotozko hitzaldi xenofoboak ez direla inoiz ongi-etorriak izango" eta gehitu du "hemen kanpaina bat hastera etortzeak, mugak indartzea aldarrikatzeko, Urruña, Biriatu, Hendaia, Irun eta Hondarribiko biztanleekiko mespretxua adierazten du".
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.
Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.