ARGIA.eus

2022ko urtarrilaren 18a

Arrotxapeako gaztetxea husteko operazioa: hainbat lagun atxilotu eta zauritu ugari eragin du Espainiako Poliziak

  • Arrotxapeako gaztetxea husten ari da Espainiako Polizia. Gaztetxeko kideek 08:30ean deitutako elkarretaratzearekin bat egin dute hainbat herritarrek, eta istiluak sortu dira Poliziaren eta bertaratutakoen artean. Poliziak protestan zirenen aurka kargatu, eta gutxienez zazpi pertsona atxilotu ditu.

ARGIA @argia
2021eko irailaren 02a
Argazkia: Gedar.eus

Irailaren 2rako zuen huste agindua Arrotxapeako gaztetxeak, eta egunak Polizia presentzia esanguratsuarekin argitu du Iruñeko auzoan. Espainiako Poliziak inguraturik dauka 2016tik okupatuta dagoen eraikina, eta helikopteroz ere ari da ingurumarietan. Udaltzaingoa ere bertaratu da.

Gaztetxeko kideek elkarretaratzea zeukaten deituta goizeko 08:30ean, eta deialdiari jarraiki, hainbat pertsona bertaratu dira. Poliziak, baina, galarazi egin die okupatutako eraikinera hurbiltzea. Gaztetxeko kideek sare sozialen bidez jakinarazi dutenez, hainbat pertsona identifikatu dituzte "segurtasunaren aitzakiapean", baina herritarrei gogorarazi die mobilizaziorako baimena dagoela. Gutxienez 40 dira Poliziak identifikatutako pertsonak.

Goizeko bederatziak jota zirela, gaztetxeko atera jo dute zenbait agentek eta atea jo; erantzunik ez dute jaso eta sarrailagileak atea irekitzeari ekin dio. Poliziak gaztetxera sarbidea lortu du, eta sarraila aldatu dute. Alabaina, eraikina ixteari ezin izan diote ekin, barruan egon zitezkeelako gaztetxeko zenbait kide, erresistentzia egiten, ondoko argazkiak ulertzera ematen zuenez:

 

 

 

Gaztetxeko kideak, ustez, eraikinaren barruan.

 

 

 

Tarte baten ostean, Udaltzaingoak ziurtatu du gaztetxe barruan ez zegoela inor eta sareetan zabaldutako argazkia "zaharra edo faltsua" dela, Ion Orzaiz Berriako kazetariak jakinarazi duenez.

Garabi bat sartu dute eraikinean. Badirudi berandu barik eraikina eraisten hasteko asmoa dagoela.

Karga polizialak eta hainbat atxilotu

Giroa tenkatzen joan da goizak aurrera egin ahala, eta 10:00ak inguruan Poliziak inguruetan bildutakoen aurka kargatu du, gomazko pilotak eta borrak erabiliz. Gedar.eus-ek jaso ditu momentu horren irudiak:

 

Istiluak kanpoalderantz zabaldu dira, eta gutxienez zazpi pertsona atxilotu dituzte. Txintxilla kaleko polizia-etxera eraman dituzte.

Kanal hauetan artxibatua: Gaztetxeak  |  Iruñea  |  Espainiako Polizia

Gaztetxeak kanaletik interesatuko zaizu...
Olaztiko Gaztetxean sartu eta barruan zeuden kideak kolpatu ditu Poliziak

Joan den larunbatean gertatu zen erasoa. Sakanako GKSk salatu duenez, pandemiaren testuinguruan, hiru aldiz sartu da dagoeneko Foruzaingoa eskualdeko gaztetxeetara.


2022-01-05 | Axier Lopez
Mauleko fabrika abandonatu bat gaztetxe bilakatzen ari dira auzolanean

Xiberoko Botza eta Zinka ostatuaren gibelean, Mauleko Victor Hugo karrikan dagoen zapata lantegi ohia zaharberritzen ari dira zenbait herritar auzolanean. 40 urte baino gehiago abandonaturik izan den eraikina gaztetxe bilakatu nahi dute, besteak beste. Proiektuak Üsina du... [+]


2021-12-22 | Uriola.eus
Isunei aurre egiteko laguntza

Deustuko Gazte Lokaleko kide batzuei 2.400 euroko isuna jarri zieten udaltzainek urrian, urtemugaren ospakizunen harira antolatutako kontzertu baten ostean. Horri aurre egiteko, herritarren ekarpenak batu nahi dituzte orain.


Espazio berri bat lortu dute Zarauzko gaztetxeko kideek, Putzuzuloren eraisketaren atarian

Alkatetzak lagapen-agiri bat sinatzea lortu dute, eta lan politikoa eta kulturala egiten jarraitzeko espazio bat izatea ziurtatu dute horren bidez. Asanbladako kideek azpimarratu dute "gaztetxean antolatutako indarrek eta bertan egingo den lanak baino ezingo dutela orain... [+]


2021-12-14 | ARGIA
Zuberoako gazteen beharrak ezagutzeko inkesta egin dute

Xiberotar gazteen beharrak ezagutu eta horiei erantzuna emanez gazteen parte-hartzea handitzeko helburuz, inkesta egin du Azia elkarteak. Garraioaz, kultur jarduerez, formakuntzaz eta etxebizitzaz aritu dira gazteak, besteak beste.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude