Bertaratutakoek Naiz hedabideari kontatu dietenez, 12:30etan erakunde ultraeskuindarreko kideak Erronkarira iritsi ziren Guardia Zibilak eskoltaturik. Ordurako, ehunka pertsona bilduta ziren herriko zubian "Faxismoaren aurrean, Erronkari tinko!" lemapean.

Ultraeskuindarrak herriko plazara iritsi, pankarta bat zabaldu zuten eta megafonoekin hitz egiten hasi ziren. Bertaratukoak zalaparta sortzen hasi ziren, besteak beste motozerrak erabiliz, bilkura faxistako adierazpenak entzun ez zitezen.

Herritarren presio eta protestak medio,  Hispania Verdeko kideek atzera egin zuten eta betiere Guardia Zibila babesturik, autobusera igo ziren. Herritarrak pozik gelditu dira emandako erantzunarekin, erakunde ultraeskuindarrak deituriko ekitaldia ezin izan zutelako behar bezala egin.

Ultraeskuindarrak ekologismoa instrumentalizatzen

MSR Mugimendu Sozial Errepublikarra talde faxistarekin loturak ditu Hispania Verdek. Ekologismoaren munduan barneratzeko tresna dela salatzen dute askok, animalien aurkako tratu txarren kontrako Pecta plataformarekin batera. Hain justu, hartz arrearen aldeko ekimen moduan aurkeztua zuten Erronkariko elkarretaratzea.