Errefuxiatuen alde eta gerren aurkako manifestazioa larunbatean Bilbon
“Gerrarik ez! Errefuxiatuen eskubideen alde” lemapean mobilizazioa deitu dute Bilboko Gobernuz Kanpoko zenbait Erakundek eta hainbat kolektibok: Komite Internazionalistak, Askapenak, SOS Arrazakeriak, Diaspora Saharaui, Mugarik Gabe eta Kitzikan antolakundeak, besteak beste. Irailaren 19an Bilboko Arriaga Plazatik 12:00tatik aurrera izango da protesta.
Errefuxiatu krisia “ez dela kontu berria” adierazi dute antolatzaileek. Duela hamarkada bat baino gehiago Iraken egin zuten bezala, egun Sirian “potentzia ekonomiko eta militar handiek yihadistekin kolaboratzen dute” herrialde horietako kontrola bermatzeko. Gerra hauek “milaka hildako eta milioika errefuxiatu” utzi dituzte.
“Herrialde handiek petrolioaren eta gasaren erabateko kontrola bilatzen dute, eta Siriaren kasuan lehengai hauek estatuaren eskuetan daude” mobilizazioaren deitzaileek nabarmendu dutenez.
Euskal Herriko arma industriaren aurka ere jo dute Komite Internazionalistako kideek: “Ehunka enpresa gatazka herrialdeetan amaitzen duten hegazkin militar, artileria piezaren, misil edota pertsonen aurkako minen fabrikazioan aritzen dira ITP Zamudio edota Getxoko SENER enpresak” besteak beste. Enpresa hauek “diru publikoarekin finantzatzen direla” ere esan dute.
Edozein esku-hartze inperialista gaitzetsi dute antolatzaileek, hauek ”izaera militarra izateaz gain, gerran dauden herrialdeen itotze ekonomikoan oinarrituta” baitaude.
Errefuxiatu izaera edozein pertsonari aitortu beharko litzaiokeela ere uste dute: arrazoia ekonomikoa, generozkoa, ideologikoa, etnikoa edota erlijiozkozkoa izan.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.