Errefuxiatuei buruzko jardunaldiak antolatu ditu Gasteiz Irekiak
Errefuxiatuak, eskubiderik gabeko pertsonak. Zer egin dezakegu? Izenburu horrekin, jardunaldiak antolatu ditu Gasteiz Irekia ekimenak.
Lehenengo saioa asteartean izango da (hilak 19), 19:00etan Montehermoso Jauregiko Betolaza aretoan. Bertan, Salvamento Marítimo Humanitario erakundearekin boluntario lanetan egon berri den Iker Tapia mintzatuko da, baita EiTBko kazetari Hodei Arrausi ere. Biak egon dira Chios-en: alegia, milaka pertsonaren behin-behineko geltoki den Greziako Chios irlan.
Asteazkenean (hilak 20), Aldabe gizarte etxean izango da hitzordua, 19:00etan. Acción contra el Hambre erakundearekin lanean aritu den Daniel Burgui kazetari eta argazkilaria arituko da saioan, eta El juego del escondite film laburra emango dute.
Errefuxiatuekin hitzordua
Ostegunean bi errefuxiaturekin topaketa antolatu dute: Anis Hawari, Biladi elkarteko errefuxiatu siriarra, eta Ivan Forero, errefuxiatutako soziologo kolonbiarra. Film labur bat emango dute ere; zehazki, Euskadiko Gobernuz Kanpoko Erakundeen Koordinakundeko Quién es quién lana.
Jardunaldiei amaiera emateko, Los Señora! taldeak kontzertu bat eskainiko du Hala Bedi Tabernan, ostegunean bertan 21:30etatik aurrera.
Elkarrizketa hau Arabako Alean egina da eta CC-by-sa lizentziari esker ekarri dugu ARGIAra.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.