ARGIA.eus

2020ko uztailaren 08a

EHNEk abeltzaintzako ustiategien tamaina mugatzen duen dekretua defendatzeko eskatu dio Nafarroako Gobernuari

  • Nafarroako Justizia Auzitegi Nagusiak abeltzaintzako ustiategien tamainari muga jartzea baliogabetzen duen epaia eman berri du. Epai horren ondoren, EHNEk Nafarroako Gobernuari eskatu dio dekretu hori defenda dezala, baliogabetzea galaraz dezala eta dagokion instantziei alega diezaiela, deuseztapena ez gauzatzeko.

Euskalerria irratia @fm983irratia
2020ko ekainaren 26a
Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.

"Valle de Odieta kooperatiba, Caparrosoko esnetarako behi aziendaren makro-baserriaren jabea, izan da foru dekretuak ezartzen zituen mugen aurka helegitea jarri duena; izan ere, etorkizuneko planak 3.500 behi gutxienez jezten dituen eta Nafarroako esne guztiaren %20 baino gehiago ekoizten duen makro-baserria are handiagoa bihurtzea da", adierazi du sindikatuak.

"Baliabide produktiboen, lurren, larreen eta ganaduaren kontzentrazioari mugak jarri behar zaizkio", esan du Ehnek. "Familia-ustiategien defentsa baliabideen banaketaren defentsatik pasatzen da, eta Nafarroan ditugun 160 etxalde horietako batek guztiaren % 20 ekoizten badu, eta gainera, handitu nahi badu, Caparroson fabrikatuko duten esnea beste pertsona batzuek ekoizteari utziko diote, familia-ustiategien galerak eta baliabideen eta merkatuen pilaketa etengabe bultzatuz", azpimarratu du.

Hori dela eta, sindikatuak nabarmendu duenez, "lehen sektoreak merkatu librearen logikaren gainetik dauden mekanismo politikoak behar ditu, ustiapen bakoitzeko mugak ezartzeko, askatasun ekonomikoari eta baliabideen metaketari ateak jarriz".

Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Azpiegitura handiak  |  EHNE  |  Nafarroa  |  Abeltzaintza

Azpiegitura handiak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude