Egutegi korapilatsua negoziatu behar dute JxCat, ERC eta CUPek

  • Mariano Rajoyk 155. artikulua erabilita deitu zituen Katalunian hauteskundeak. Emaitzen ondotik sortuko diren parlamentuko mahaiari eta gobernuari data jarri die Espainiako presidenteak.

Andoni Mikelarena @andonimik
2018ko urtarrilaren 02a
Arg: Kataluniako Parlamentua

2012. urtetik gaurdaino hamaika negoziazio eta akordio erdietsi dituzte Kataluniako alderdi eta eragile independentistek. Tentsio handiko uneak bizi izan ditu prozesu independentistak alderdien arteko akordioak lortzerakoan. Azaroaren 9ko Kontsultarena, irailaren 27ko hauteskundeetarako zerrenda bakarra osatzekoa eta Artur Mas presidente izendatzeko CUPekin izandako dema dira horietako batzuk. Orain enegarren negoziazio batean sartuak dira alderdi independentistak, Mariano Rajoyk hauteskundeen ondorengo egutegia markatu ostean:

Urtarrilak 4

Ostegunean pasako da Espainiako Auzitegi Goreneko Llarena epailearen aurretik Oriol Junqueras ERCko zerrendaburu eta Kataluniako Gobernuko presidenteordea. Joaquim Forn, Jordi Sanchez eta Jordi Cuixartekin batera oraindik espetxean dago. Llarena epaileak Junqueras aske uztea erabakiko balu ostegunean, presidente izendatzeko aukerak indarra hartuko luke. ERCk behitzat hala eskatuko luke, baldin eta Puigdemont ez balitz Bruselatik itzuliko, Espainian indarrean baitago bere aurkako atxilotze agindua.

Urtarrilak 11

Joaquin Forn, barne kontseilaria eta Junts Per Catalunyako parlamentaria, Jordi Sanchez, ANCko buru eta Junts Per Catalunya zerrendako bigarrena eta Jordi Cuixart Omnium Cultural elkarteko lehendakaria, urtarrilaren 11n igaroko dira Espainiako Auzitegi Gorenetik. Baldin eta aske geratuko balira Jordi Sanchez ANCko burua presidente izendatzeko aukerak indarra hartuko luke.

Urtarrilak 17

Legegintzaldi berria abiatzeko Mariano Rajoy Espainiako presidenteak ezarri duen data da. Hilaren 17an osatuko dute Kataluniako Parlamentuko Mahaia. Carme Forcadell berriz ere parlamentuko presidente izendatzeko aukera mahai gainean dute JxCat, ERC eta CUPek elkarrizketetan. Bina eserleku izango dituzte Mahaian Ciudadanos, JxCat eta ERC alderdiek, azken eserlekua PSCk izango du.

Urtarrilak 31 – Otsailak 3

Aurreneko inbestidura saioa urtarrilaren 31 eta otsailaren 1aren artean egingo da. Zer egingo du Puigdemontek? Oraindik inork ez du erantzun argirik eman galdera horren inguruan. Joan den astean Jordi Turull kontseilariak, parlamentuko araudia aldatuta Puigdemont telematikoki presidente izendatzeko aukera jarri zuen mahaiaren gainean. Baldin eta aurreneko inbestidura saioak huts egingo balu, 48 ordu izango lituzkete alderdi independentistek bigarren aukera baterako. Ciudadanos, zerrenda bozkatuenak, jada esan du ez duela saiakerarik egingo gobernua osatzeko.

Apirilak 1

Kataluniako Parlamentuak presidentea izendatzeko epemuga da. Aurreko legegintzaldian ordu gutxiren faltan lortu zuten akordioa Junts Pel Sí eta CUPek. Oraingoan, egoera hori ekiditen saiatu beharko dira, independentismoarentzat kostu emozional handia izango bailuke prozesua horrenbeste luzatzeak. Baldin eta ez balute akordiorik lortuko, maiatzaren 25etik aurrera egingo lituzkete berriz hauteskundeak Katalunian.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2018-10-12 | ARGIA
Kataluniako Parlamentuak Felipe VI gaitzetsi eta Espainiako monarkia abolitzeko eskatu du

JxCat, ERC eta Catalunya En Comun-Podem taldeak ados jarri dira ostegunean eta Espainiako Errege Felipe VI gaitzesteaz gain, monarkiaren abolizioa eskatu du Kataluniako Parlamentuak.


2018-10-10 | ARGIA
Independentistek gehiengoa galdu dute Kataluniako parlamentuan, elkarren arteko desadostasunengatik

Kataluniako parlamentuko mahaiak bertan behera utzi du Carles Puigdemont eta preso dauden gainontzeko diputatuek boto delegatua emateko aukera ERCren eta PSCren aldeko botoekin. Erabaki horren ondorioz, independentistek parlamentuko gehiengoa galdu dute. JxCat eta ERCren arteko desadostasunak geroz eta agerikoagoak dira.


2018-10-08 | Santi LeonÚ
GAIZKI ERRANKA
Ortzirale beltzak

Urriak 1: Kataluniako erreferendumaren urteurrenean, Espainiako telebistak zehaztu digu zenbat enpresak egin duten alde prozesua martxan jarri zenetik (ez digu erran, ordea, denboraldi berean baten bat finkatu ote den). Kontuak, bistan da, gutienez bi irakurketa ditu: zeinen kaltegarria izan den eta den independentismoa ekonomiarako, edo zeinen lotsagabe saiatu den botere ekonomikoa jendearen erabaki politikoak baldintzatzen.


Kolore guztiak faxismoaren kontra

Oso paradigmatikoa izan da Kataluniako urriaren bateko lehen urteurrenaren harira gertatutakoa: herritarren protesta “koloretsuak”, segurtasun indarren biolentzia eta agintarien pasibitatea. Aktoreen rola ordea aldatu egin da. Iaz Espainiako poliziak eta guardia zibilak aritu ziren bozkatzera joan ziren kataluniarren hezurrak apurtzen. Aurten, aldiz, Espainiako polizien defentsan aritu dira Eskuadra Mossoak kalean. Baita erruz jardun ere: 24 lagun jipoitu eta zauritu dituzte,... [+]


2018-10-02 | Xabier Letona
"Bete agindua, egin Errepublika"

Iazko urriaren 1eko oihartzuna entzun zen atzo Katalunian. Hemen berba batzuk atzokoaren interpretazio bat egiteko. Sekulako indarra bildu da berriz kaleetan, herri botereak kuku egin du ostera ere eta  independentismoak horren irakurketa argia egin du. Argi baina, La Vanguardia-ko zuzendaria Màrius Carolek gogoratzen duen moduan, “ ez da greba orokorrik egon eta herria ez da gelditu”.


2018-10-01 | ARGIA
Urriaren 1aren urteurrena
Erreferendumaren memoriak eta Errepublikaren aldarrikapenak kaleak hartu ditu Katalunian

Errepide mozketekin eta botere ekonomikoaren egoitzen kontrako ekintzekin hasi dute erreferendumaren urteurren eguna.


2018-10-01 | ARGIA
Mossoek independentisten aurka kargatu zuten Espainiako polizien aldeko manifestazioan

Larunbatean tentsio une handiak bizi izan ziren Bartzelonan, CDRek eta beste erakunde batzuek deituta milaka herritarrek Jusapol poliziaren sindikatuak deitutako manifestazioari aurre egiteko bildu zirenean Iazko urriaren 1ean erreferendumaren aurkako errepresioanp parte hartutako Espainiako segurtasun indarrak omendu zituen poliziaren sindikatuak.


Urriaren 1a
Urtebete geroago dena zabalik

Urtebete joan da Txarangok “ho tindrem tot i es parlarà de vida” [dena izango dugu eta bizitzaz hitz egingo da] leloarekin erreferendum-kanpaina alaitu zuenetik. Une gogoangarri asko baina aurrerabide gutxi ikusi ditugu joan den 365 egunean: ANC eta Òmnium-eko presidenteen espetxeratzea, erreferenduma, poliziaren bortizkeria, baiezkoaren garaipen borobila, gerra zibilaz geroztiko grebarik handiena, independentzia-aldarrikapen zapuztua, “dena prest zeukaten”... [+]


2018-09-30 | Saioa Baleztena
Alejandra Rayas
"Mobilizazio baketsuaren sendotasuna da Kataluniaren itxaropena"

Barcelonetako Mediterrània eskolako erasoetan Espainiako Poliziak zauritu izanagatik gogoratzen du batek baino gehiagok Alejandra Rayas (Queretaro, Mexiko, 1970). Urriaren 1eko lehen urteurrena betetzear dela, eta, kolpatu zuen guardia zibilaren aurkako epaiketarekin zer gertatuko den jakiteko “adi” dagoen bitartean elkarrizketatu dugu.


2018-09-30 | Saioa Baleztena
Jordi Pesarrodona
"Eraso faxistak eteteko gai izango da Kataluniako mugimendu baketsua"

Irailaren 20an Espainiako Poliziak Generalitatearen Herrizaintza Sailean egindako miaketak salatu asmoz sudur gorria jantzi zuen guardia zibilen aurrean Jordi Pesarrodonak (1960). Pailazoa eta Sant Joan de Vilatorradako kultura zinegotzia (ERC) da. Urriaren 1ean, bere herriko eskolan erresistentzia egiteagatik auzipetu zuten. Lau delitu egotzi zizkioten: desobedientzia, autoritatearen kontrako erresistentzia larria, lidergo iskanbilatsua eta gorrotoa sustatzea.


Eguneraketa berriak daude