EBk Turkiara itzularaziko ditu legez kanpo iristen diren errefuxiatuak
Datorren igandetik aurrera, Europar Batasunera legez kanpo sartzen diren errefuxiatu guztiak Turkiara bidaliko dituzte.
Hori da EBko 28 estatu buruek eta Turkiako lehen ministroak ostiral honetan itxi duten akordioa. Adostutakoak talka egiten du EBren legediarekin, honek ez baitu baimentzen errefuxiatuen kanporatze kolektiborik. Bruselako agintariak egunak aritu izan dira oztopo hori gainditzeko legezko zirrikituen bila.
Horregatik, EBk aukera emango dio errefuxiatu bakoitzari legezko babes eskaera egin dezan, baina hau egin ondoren, automatikoki kanporatua izango da. Helegitea jarri ahal izango du orduan iheslariak, baina horrek ez du kanporatzea geldiaraziko.
Iheslariak, beraz, EBra sartu ahala –kasu honetan Greziatik– Turkiara birbidaliko dituzte, eta kanporatutako pertsona bakoitzagatik Turkiatik beste bat sartu ahal izango da legez EBra. Hala ere, eta oraindik akordioaren datu guztiak ezagutzen ez badira, EBk adierazi du jada 72.000 pertsona bakarrik hartuko lituzkeela.
Turkiak jasoko lukeena
Trukean, Turkia EBko kide izateko daramatzan negoziazio luze eta zailak malgutuko ditu Bruselak. Esaterako, Turkiako herritarrak EBra sartzeko bisen liberalizazioa datorren ekainera aurreratuko da; aurrekontu eta finantzen negoziazio atala irekiko da; eta Turkiak 6.000 milioi euro jasoko ditu errefuxiatuak berriz jasotzeagatik. Turkiak gaur egun, 2’5-3 milioi errefuxiatu hartzen ditu jada, bertako gobernuaren esanetan.
Beste hainbat itunen artean EBk Genevako Hitzarmena bete behar du eta, amarruak-amarru, ez dago batere argi Turkiarekin adostutakoa honekin bat datorren. Funtsean, nazioarteko legediak ez du baimentzen errefuxiatuen kanporatze kolektiborik, baina banakakoak direnean ere, babestuko lituzkeen hirugarren estatua –kasu honetan Turkiak– leku segurua izan beharko luke haientzat. Turkiak segurtasun hori eskaintzen duen oso zalantzan dago: besteak beste, kurduen gutxiengoarekiko zapalketa hor dago, oraintsu hartu berri du asaltoz Turkiako egunkari garrantzitsuenaren egoitza, eta giza eskubideak ere airean daude guztiz.
Amnistia Internazionalek gogor salatu du akordioa. Bere webguneak irakur daitezke akordioaren aurka agertzeko dituen arrazoiak.
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]