Damutzea eta barkamena eskatzea ez da espetxe baimenak onartzeko baldintza, Auzitegi Nazionalaren arabera

  • Auzitegi Nazionaleko Espetxe Zaintzako Epaitegi Zentralak Zaballako Tratamendu Batzordeak emandako irteera baimenak kendu zizkion Gorka Loran euskal preso politikoari. Presoaren helegitearen alde egin du orain Auzitegi Nazionalak, eta baimenak berrezarri dizkio.


2022ko ekainaren 08an - 08:10

2021eko irailean Arabako Zaballa espetxeko Tratamendu Batzordeak irteera baimenak onartu zizkion Gorka Loran euskal preso politiko ohiari. Auzitegi Nazionaleko Espetxe Zaintzako Epaitegi Zentralak baimenak indargabetu zituen, ordea, eta Olaranek helegitea aurkeztu zuen Auzitegi Nazionalean. Jose Ricardo De Prada epailea buru duen epaitegiak eman du ebazpena –Concepción Espejel ordezkatu du De Pradak–, eta Olarani irteera baimena berrezarri dizkio. De Pradak berak idatzi du ebazpena, eta Francisco Javier Viera epaileak boto partikularra eman du aurka.

“Damua agertzea eta biktimei barkamena eskatzea ez da baldintza legala, inondik ere", espetxe baimenak lortzeko, auzitegiaren esanetan. Biktimei barkamena eskatzea presoaren “bilakaera ona” baloratzeko elementu “adierazgarri” bat gehiago izan daiteke, baina ez “beharra”. Epaiak dio kontutan hartu behar dena presoak jada beteta duen zigorraren zatia dela, eta zigorra betetzeko falta duen denbora. Zigorraren hiru laurdenak aspaldi bete zituen Olaranek, 2003an espetxeratu zuten eta 2023ko abenduan du irteera data.


Kanal honetatik interesatuko zaizu: Espetxe politika
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-11-06 | ARGIA
Espetxera itzularazi ditu Auzitegi Nazionalak Juan Carlos Subijana eta Joseba Borde euskal preso politikoak

Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]


2023-10-02 | ARGIA
Azpiegitura gabezia nabarmendu du Jaurlaritzak espetxe-kudeaketaren biurteko balantzean

Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]


2023-08-21 | Ilargi Manzanares
Sare Herritarrak Auzitegi Nazionalaren jarrera "oztopatzailea" salatu du

Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.


Eguneraketa berriak daude