COVID-19a dela eta, eskubide urraketak biderkatu dira etorkinentzako atxikitze zentroetan
Cimade elkarteak egin du bere urteko prentsaurrekoa Baionan. Hendaiako atxikitze zentrotik 163 lagun pasa dira 2020 urtean eta hauetarik %36,6 kanporatu dituzte.
COVID-19 izurritea dela eta, giza eskubideen urraketak errepikatu dira etorkinen atxikitze-zentroetan. Errealitate beltz honen berri eman du papergabeak laguntzen dabilen Cimade elkarteak, iazko balorapena plazaratzeko Baionan antolatu prentsaurrekoan.
Hasteko, zentroetan osasuna bermatzeko eta koronabirusaz kutsatzeko arriskua baztertzeko neurriak osoki segurtatu ez izana salatu du elkarteak. Gainera, izurritearen izenean, etorkinak are gehiago isolaturik izan dira, besteak beste, bisitak debekatuak zituztelako.
Orotara, iaz 163 pertsona egon dira atxikirik Hendaiakoan eta horietarik %36,6 kanporatu dituzte. Frantziako Estatuari dagokionez, 27.917 izan ziren atxikitze-zentroetan, hauetarik %53 itsasoz haraindiko lurraldeetan. Mugak hetsiak izanki, kanporaketa gutxiago burutu arren, atxiloketekin segitu du Frantziako Poliziak. Hori horrela, atxikitze denbora emendatu zaie etorkinei: 2019ko datuen arabera, batez beste, etorkinek hamabost egun pasatzen zituzten atxikirik, eta 2020an, berriz, 25 egunekoa izan zuten atxikitze epea, batez beste.
Atxikitze zentroen logikarekin segitzen du Frantziako Estatuak. Horren lekuko, lau zentro berri eraikiko dituela abisatu izana Parisek. "Jarrera gogorraren hautu politiko" hau salatzen du Cimade elkarteak. "Jarrera geroz eta errepresiboagoa" duela eta, Frantziak eta orokorki Europar Batasunak politikaz aldatzea ezinbestekotzat dauka etorkinen eskubideen alde lanean dabilen Cimadek.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]