Birjabetze Kolektiboa sortu da Gasteizen, kapitalak "lapurtutako guztia" berreskuratzeko helburuarekin

  • “Kapitalak eta bere morroiek gure bizitzen gainean kontrol osoa ezartzen saiatzen dira: gure nahiak, balioak eta denbora esklabotza asalariatuak eta etengabeko gainbalio ekoizpenak eskatzen duen bizimodura lerratuz”, azaldu dute eragile berritik eta baita egoera aldatzeko alternatibak bilatzeari ekingo diotela ere.

Topatu.eus @topatu_eus
2018ko abenduaren 07a
Argazkia: Topatu

Borroka komunitatea eraikitzeaz eta iraultzaren beharraz jabetuta, “kapitalaren dominazioa” suntsitzeko antolatu da Birjabetze Kolektiboa: “Kolektiboaz mintzo gara, antolatuta gaudelako, edozein alternatiba indibidualistaren aurrean, elkartasuna gure praktikaren erdigunean kokatzen dugulako”, gehitu dute eta “jabetza kolektiboaren” ideia defendatzen dute, berreskuratutako espazio eta baliabideen erabilera zein kudeaketa “kolektiboki erabakitzen” dutelako.

Eginkizunei dagokienez, argi utzi dute Instituzioen “hutsuneak betetzea” ez dela beraien eginkizuna, eta ezta “eskubide soilen” aldarrikapena egitea ere: “Gure egitekoa sostengurako behar ditugun elementuak autoantolakuntzaren eta autogestioaren bitartez bermatzea da. Azkeneko urteetako ikasketa eta bizipenetatik abiatuz, okupazioaren praktikan zentratzea erabaki dugu; praktika honen sozializazioa sektore zabalago batean bultzatuz eta kolektibizatutako espazio ororen defentsa gaitasunean aurrerapausoak emanez”.

Okupazio Bulegoa jarriko dute martxan, jabetza pribatuaren birjabetze kolektiborako jakintza tekniko zein juridikoak partekatzeko: “Etxe baten beharra duen eta kolektiboki lan egiteko prest dagoen edonori gure babesa eskainiko diogu. Krisi kapitalistaren testuinguruan, okupazioaren tresna inoiz baino beharrezkoagoa bilakatu da”.

Kolektiboaren nahia, “normalean iristen ez diren esparru sozialetara okupazioa zabaltzea” da, modu honetan, bizi baldintzak “era erreal” batean hobetzeko: “Sistema kapitalistarengatik zapalduak garenok interes komunitate bat osatzen dugularen ideiatik abiatuz, gure bizitzako beharrizanak komunalki asetuko dituen elkartasun azpiegitura bat sortu nahi dugu, etxebizitzatik hasita”.

Albiste hau Topatuk argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Okupazioa  |  Gasteiz

Okupazioa kanaletik interesatuko zaizu...
Euskara Errekaleorren
MULTIMEDIA - erreportajea

Euskara gehien erabiltzen den Gasteizko auzoa da  Errekaleor. Bide honetan azaltzen dute euskara auzo autogestionatuko bizilagun guztiei bermatzeko zer urrats egiten ari diren.


2018-12-06 | Hala Bedi
Iņaki Etxeleku
"ZADen okupazio, autogestio eta autonomia mugimenduko bizipenak jaso ditugu"

Notre-Dame-des-Landes-ko ZAD Defendatu Beharreko Eremuaren inguruan liburua argitaratu du Iñaki Etxeleku kazetariak: “ZAD, bizi dutenen ahotik”. ZADaren inguruan dabiltzan profil ezberdineko pertsonei egindako elkarrizketetatik abiatuta idatzi du liburua.


Erresistentziarako deia egin dute lantegi berreskuratutik
"Donostiako Aņorgan, Fires dagoen lekuan, 250 etxebizitza eraiki nahi dituzte EAJren babesean"

Astelehen goizean Gailur Alde S.L. enpresako bi langile bertarau dira orain hiru urtetik okupatuta dagoen fabrikara. Astebete bada jakinarazpena jaso eta sirena hotsak jo zituztela. 30 lagunetik gora zain zeuden barnean, asko gaua bertan igarotakoak, langileei sartzen ez uzteko. Langileek ezin izan dute eraikina barrutik ikusi eta joan egin direnean, prentsaurrekoa eskaini dute Fires-ko asanbladako kideek. Salatu dute Añorgako eremu horretan etxebizitza gehiago egin nahi dituztela... [+]


2018-10-30 | Topatu.eus
Aņorgako Fires Lantegi berreskuratua desalojo arriskuan dagoela jakinarazi dute

Joan den ostiralean Gailur-alde S.L.-ren ohar bat jaso zuten, azaroaren 5ean Fires betirako zigilatuko zutela zioena.


2018-10-16 | Kijera Gaztetxea
Eneko Goia eta Donostiako udal gobernuari zuzendutako komunikatua

Hilabete pasa da gaztetxeak Eneko Goia alkateari negoziazio mahai bat eskatu genionetik, udal gobernutik ez dugu erantzunik jaso ez ofizialki eta publikoki ere ez. Orain hilabete pasa ondoren auzoan lanean eta auzoa eraldatzen jarraitzen dugu, herri liburutegia, jantokia, joskintza taldea, haurtxoa, kolektibo ezberdinentzako bilera gelak, auzoko frontoi estali bakarra…


2018-10-15 | Hala Bedi
Colours and proclamations against censorship in Gasteiz

On 6th October thousands of people took to the streets of Gasteiz (Araba, Basque Country) for Okupatu Gasteiz Eguna (Gasteiz Squatters' Day). Their aim was to congratulate the city's squatter movements and self-managed projects and, in spite of the city council's censorship, proclaim that the streets belongs to everybody. The day started with a colourful demonstration, but that was followed by a festive spirit which lasted until the early hours of the next day.


Kalea erabiltzen duenarena da

Okupazioa izan da botere publikoen ezinikusiagatik, sarri, eta interes ekonomikoengatik, gehienetan, herritarrek eskura izan duten aukera bakarra eskubideak praktikara eramateko.


2018-10-10 | Topatu.eus
Maravillas gaztetxearen auzia berriz irekitzeak ekar dezakeen arriskuaz ohartarazi dute

Auzia berriz irekitzeko aukera dagoela adierazi dute gaztetxeko kideek eta horrek, “desalojo arrisku larria” dakarrela.


2018-10-09 | Hala Bedi
OkupaTU Gasteiz, koloreak protagonista izan ziren egunaren aftermoviea
MULTIMEDIA - bideo herrikoia

OkupaTU Gasteiz eguna goizeko manifestazioaz gain, ehunka lagunek debekatutako bazkari desobedientea egin zuten posible Santa Maria plazan. Segituan, eta tabernetan bertako DJ-ak zeuden bitartean, kontzertuak: bakarlariak hasieran, Karrocerias Betoño, Trikoma eta DJ gehiago. Gaueko ordu txikiak arte luzatu zen jaiaren irudiak bildu ditu Hala Bideok laburpen-bideo honetan.


2018-10-05 | Topatu.eus
Ospatzeko eta aldarrikatzeko, OkupaTU Gasteiz
MULTIMEDIA - erreportajea

Aurten urteurren borobilak dituzte Hala Bedi irratiak, Gasteizko Gaztetxeak, Auzolana pilotalekuak eta Errekaleor auzo askeak. Urriaren 6an ospatuko dituzte OkupaTU Gasteiz egunean. Udalaren debekuen gainetik, ospakizun eta aldarrikapen egunera gonbidatu dute jendea, kalea denona baita.


Azkenak
EGILEA
Eguneraketa berriak daude