Bilboko Kalealdiak antzerki eta artez jantziko ditu kaleak uztailaren 1etik 5era
Bilboko Kalealdia Kale Antzerki eta Arteen Jaialdiak XVI. edizioa du aurtengoa. 31 konpainiak hartuko dute parte eta guztira 59 ikuskizun eskainiko dira. 17:00etatik gauerdira arte, kale-antzerkia, zirkua, dantza, mimoa, performanceak eta beste izango dira bost egunez Bilboko kaleetan.
Uztailaren 1ean abiatuko da aurtengo edizioa, O Ultimo Momento konpainia frantziarraren eskutik. Lehen bi egunetan, ikuskizunak Zabalgunean eta Zazpi Kaleetan izango dira, adin guztietako publikoari zuzenduak. Hurrengo hiru egunetan, emanaldiak leku gehiagotan ikusi ahal izango dira, besteak beste, Arriaga plazan, Areatzan eta Plaza Berrian.
Jaialdiaren baitan hainbat estreinaldi izango dira. “Hortzmuga” antzerki talde bilbotarrak “Nola” ikuskizuna lehenaldiz taularatuko du ostiralean, eta beste lau lan ere lehendabiziko aldiz eskainiko dira Euskal Herrian.
Saio guztiak doakoak izango dira, bi izan ezik. Sacekripa konpainia frantziarraren eta Manolo Alcantara artista kataluniarraren emanaldietarako karpa txiki bat ezarriko da Areatzan eta 2 euroko “prezio sinbolikoa” ordaindu beharko da.
Nazioarteko zein bertako konpainiak
Nazioarteko zein bertako konpainien eskutik helduko dira ikuskizunak Bilbora. Frantzia, Italia, Herbehereak, Espainia eta Japoniatik etorritako 23 talde eta artistek hartuko dute parte. Haiekin batera, arte eszenikoak lantzen dituzten zortzi euskal konpainia izango dira.
Programazioari buruzko informazio gehiago ondorengo webgunean lor daiteke: www.bilbokalealdia.com
%43ko igoera aurrekontuan
Jaialdia antolatzeko 194.000 euroko aurrekontua izan du aurten Bilboko Udaleko Kultura eta Hezkuntza Sailak, iaz baino %43 gehiago. Programaren kalitatean eragina izango duela adierazi dute antolatzaileek, eta igoerarekin Udalak kaleko antzerki eta arteen alde egindako apustua berretsi nahi izan duela.
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Heriotzak Eduardo du izena
- Egilea: Formol konpainia (eta Ander Lipusen manifestua)
- Non: Modelo Aretoan, Zarautzen, Literaturia jaialdia
- Noiz: Maiatzaren 23an.
-------------------------------------------------------------
Bunker batean garatzen da antzezlana... [+]
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]