Bertso txapelketarik ez da izango Bizkaian, baina bai “Kopla barik” bertso zirkuitua
Txapelketa egiteko baldintzarik ez dela ematen iritzi dio Bizkaiko Bertsolari Elkarteak, baina ordezkoa antolatu dute: “Kopla barik” bertso zirkuitua, formatu desberdineko lau saio, “kultura segurua dela” aldarrikatuz.
aurre egingo dieten hedabide independenteak
Plaza berrindartzea eta kultura segurua dela aldarrikatzea ditu helburu ekimenak. Urriaren 24an abiatuko da eta lau saio izango dira denera: saio musikatua, bertso trama, sariketa eta jaialdia.
Urriaren 24ko saioa Mungian egingo da. Saio musikatua izango da eta kantuan arituko dira Aitor Bizkarra, Arrate Illaro, Ibon Ajuriagojeaskoa, Etxahun Lekue, Malen Amenabar eta Nerea Ibarzabal. Gai jartzaile Idoia Anzorandia ibiliko da eta musikariak Ixak Arruti eta Eneko Sierra izango dira.
Azaroaren 14an bertso trama egingo dute Igorren eta azaroaren 28an sariketa, Durangon. Abenduaren 20an, Getxon, Bizkaiko zortzi txapeldun batuko dituzte oholtza berean: Arkaitz Estiballes, Etxahun Lekue, Fredi Paia, Igor Elortza, Jon Enbeita, Onintza Enbeita, Unai Iturriaga eta Xabi Paya.
