Domeka gauean sartu ziren lapurrak Bergarako Kartzela zaharra gaztetxean, "beste behin ere", eta Kartzela zaharra osatzen duten talde eta eragile ezberdinen arabera, "kalte ekonomiko eta material handiak" izan dira.
Dirua izan da eraman dutena, baina barrura sartzeko kalteak eragin dituzte. "Kolektibooi, erabiltzaileei eta Bergarako herriari egindako eraso oso larri bezala ulertzen dugu".
Ate nagusia behartu ostean sartu ziren lapurrak gaztetxean eta dirua izan da eraman dutena, "normalean egoten dena baino gehiago".
Hala ere, Kartzela zaharra osatzen duten kolektiboek gaineratu dute lanean jarraituko dutela: "Ez digute lapurtuko sekula lanerako gogoa, ondo pasatzeko grina eta indarra xaxatzeko indarra. Egoera honi aurre egiteko antolatuko diren ekintzei adi egoteko eskatzen dizuegu".
Ekitaldi horien artean, Gabonetarako elkartasun jaialdi bat antolatzeko asmoa dute, baina oraindik ez dute ezer zehaztu.
Albiste hau Goienak argitaratu du eta CC-by-sa lizentziari esker ekarri dugu ARGIAra.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.