66 urte zituela zendu da zuberotarra. Mauleko eta Zuberoako Gaü Eskolaren sortzaileetarikoa izandakoa, urte luzeetan aritu da bertan langile, irakasle gisa. Azken agurra eginen zaio martxoaren 27an, 10:30ean, Miarritzeko erraustegian.
Zuberoako aurpegi ezaguna da Beñat Espil, euskalgintzan buru eta belarri ariturikoa. Besteak beste, bera izan zen Mauleko eta Zuberoako Gaü Eskolaren sortzaileetarikoa eta orduz geroztik urte luzeetan bertan irakasle izandakoa ere. "Itzalpeko langile handia" izan da, Maritxu Castillon lankide izandakoaren hitzetan. Gaü Eskolako ikasleek zuberera ikasteko metodoak osatu zituen, tartean, euskara batutik zubererara itzuli zituen AEK-ren metodologia eta dokumentuak.
Luzaz Ekaitza aldizkari politikoan eta bestelakoetan artikulu idazten ariturikoa da Espil. "Euskal Herri solidario" baten alde ariturikoa dela dio adiskide zuen Xan Coscaratek, Xiberoko Botzari eskaini elkarrizketan. Iparretarrak erakundeko militantea ere izan zen.
Azken agurra eginen zaio martxoaren 27an, 10:30ean, Miarritzeko erraustegian.
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]