Badator Zinegin festibalaren 12. edizioa
Urriaren 19tik 22ra bitartean egingo da edizio berria. Haritz Barne zinema-gelan azken urtean oihartzuna izan duten ekoizpenak eskainiko dituzte besteak beste, jarduera gehiagorekin batera.
Hamabigarrena izango da aurten Zinegin festibalarentzat. 2012an sortu zenetik Hazparne bilakatu da festibalaren txokoa euskarazko ikus-entzuneko proiektuez gozatzeko. Jaialdian fikziozko, ez-fikziozko eta animaziozko lan ugari eskainiko dituzte. Horrez gain, “musika ez dela faltako ” aurreratu dute antolatzaileek. Filmen emanaldi bakoitzera sartzeko 3 euro ordaindu beharko da sarrera.
Azken urteko euskal ekoizpen esanguratsuenen proiekzioak eskainiko dituzte, besteak beste. Antolatzaileen hitzetan, haien asmoa “euskal kulturak bizitzeko behar duen hats gune bat proposatzea” da. Aurtengoan, Positive bomb (Eñaut Castagnet, Lander Garro eta Manex Fuch) film laburrarekin eta Bañolet (Paxkal Irigoyen Etxeberri eta Maia Iribarne Olharagay) fikzio parte-hartzailearekin ekingo diote.
Ostiralean, urriak 20, 10 WATT bakarrik (Oier Puentes) laburra eta Tetuan (Iratxe Fresneda) ez-fikziozko lana eskainiko dituzte. Bestalde, hiru kontzertu eskainiko dituzte, Barnez Kanpo, Haria eta Lumi taldeen eskutik. Kontzertuotan, musika eta argazkia uztartuko dituzte: Nahia Garate bere argazkiekin Barnez Kanpo taldearekin arituko da; Lumi taldea, aldiz, Nagore Legarretarekin.
Larunbatean Azken dantza maisua (Mikel Alvarez Sarriegi), Bizkarsoro eta Mirande, film bat egiteko zirriborroa (Josu Martinezenak biak) lanak aurkeztuko dira. Halaber, Unicorn Wars (Alberto Vazquez) animaziozko film luzea emango dute euskaraz. Proiekzioez gain, Tourné-monte izeneko lantegia eskainiko dute. Lantegi horretan, smartphone-a edo kamera erabilita film labur-laburrak sortuko dituzte, kronologikoki jarraian filmatzeko teknika erabilita. Taldeka edota bakarrik parte hartzeko aukera dago, eta izena eman nahiz gero zinegin@gmail.com posta elektronikora idatzi behar da.
Igandean, berriz, animazio filmak izango dira Debako Animadeba festibalaren eskutik, ordubetez. Festibalari amaiera emateko, 20.000 erle espezie (Estibalitz Urresola) eta Irati (Paul Urkijo) emango dituzte.
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Non dago auzoa lekututa? Galdetzen du irudiak. Gure testuinguru eraikiak hartu duen deribagatik, irudian ikusten duguna aldirietako auzo berri bat izan ezean, kasu gehienetan ez dugu irudian identifikagarritzat jo dezakegun ezer topatuko. Tranpa batean sartu gaitu, erantzuna... [+]
Musikariaren lana musika sortzea eta jotzea da. Baina soilik hori? Irudiak eta sustapenak gero eta pisu gehiago dute alor gehienetan, eta musikariak ere ez dabiltza zurrunbilo horretatik aparte. Bideoklipa bilakatu da abesti edo disko bat kaleratzeko euskarri (ia) ezinbestekoa... [+]
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]