Azueloko alkateak udalaren lokaletik kanporatu nahi du Santa Engracia elkartea

  • Herria bizirik mantetzeko “lan handia” egiten duela aldarrikatu du elkarteak. Sinadurak biltzen ari dira 1975. urtetik erabiltzen duten lokala ez galtzeko.


2024ko apirilaren 03an - 12:40

Ia mende erdia darama Azueloko (Nafarroa) Santa Engracia elkarteak auzolanean herria biziberritzen. 41 biztanle ditu herriak, eta osotara 202 bazkide ditu elkarteak. Bertako kideek salatu dute 1975. urtetik erabiltzen duten udalaren lokaletik bota nahi dituela Azueloko alkateak. Sinadurak biltzen ari dira lokalean geratu ahal izateko.

Elkarteko kideek nabarmen dute herriko kultura sustatzeko “lan handia" egiten dutela, eta “oso aktibo” dagoen elkarte bat dela. Denetarik egiten dute elkartean; hala noa ekintza kulturalak eta sozialak, edo aisialdiari eta ingurumenari loturikoak. Horrez gain, udalaren finantziaziorik gabe herriko zenbait eraikin birgaitu dituzte, horien artean eskola zaharra. Bertan, kultur etxe bat egin dute, eta besteak beste, ludoteka eta liburutegi bat sortu dute.

1975. urteko urriaren 29an udalak eskola zaharra “oso egoera txarrean” eman zion elkarteari doanik, elkartea desegin arte erabili ahal izateko. Ordutik, gauza asko egin dituzte lokala atontzeko; berogailua jarri, barra, zorua aldatu, sukaldea egin, eta beste. Elkarteko kideek hitzarmenarekin jarraitu nahi dute, baina udalak esan die urte bete gehiago erabili dezaketela eta 4.200 euro ordaindu behar dituztela.

Horrez gain, salatu dute azken urte eta erdian udalak 200.000 euro gastatu dituela kultur etxe bat egiteko. Bertan, taberna bat dago, eta elkarteko kideen arabera, udalak doanik uzten dizkio taberna, etxe bat eta mandioa tabernako hornitzaileari. Horrez gain, hilabetean 400 euro ematen dizkio hornitzaileari. “Bakarrik astean bi egunetan irekitzen du, eta ez du deus ordaindu behar, guk aldiz, egunero irekitzen dugu, eta 4.200 euro ordaindu behar ditugu”, salatu du elkarteak.

Gaineratu du Azuelo “eredu” izan dela beste herrientzat: “Despopulazioa pairatu arren, bizirik mantentzeko lanean dabilen talde indartsu bat gara”. Izan ere, auzolanean oinarritzen dira.

 


Azkenak
Haritu: "Familia batzuek sei hilabete daramatzate hotel batean"

Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]


Errendimendu akademikoaren arabera banatuko dituzte ikasleak Ipar Euskal Herrian

Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]


Analisia
Araba: Zer isla elektoral izango du aldaketak?

Apirilaren 21eko Eusko Legebiltzarrerako hauteskundeetan, EAJren eta EH Bilduren arteko lehia nabarmentzen ari da, Araba erabakigarria izan daitekeen herrialde bihurtuta. Dinamika hori ulertzeko, azken hamarkadan Araban izandako hauteskunde-bilakaera aztertu behar da. Hiru aldi... [+]


2024-04-16 | ARGIA
Ia 15.000 erabiltzaile ditu Puntueus domeinuak, sortu zenetik hamar urtera

Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.


Eguneraketa berriak daude