Iberdrola enpresari 2013an prezioak manipulatzea egotzi zitzaion. Orain, Espainiako Auzitegi Nazionalak enpresa absolbitu du. Fiskaltzak 5,4 milioi euroko isuna eta bi urteko kartzela-zigorra ezarri nahi zien zuzendaritzako kideei. Hala ere, auzitegiak adierazi du ez duela nahikoa frogarik bildu fiskaltzaren akusazioak babesteko.

Fiskaltzak argi adierazi du: “Iberdrolak, energia elektrikoaren prezioa igotzea eta kontsumitzaileei kalte egitea helburu hartuta, saltzen zuen energiaren prezioa igotzeko sistema bat asmatu eta jarri zuen martxan, eskaintza eta eskariaren lehia asketik atera beharko litzatekeenaz haratago”. Fiskaltzak argudiatu Iberdrolak kontsumitzaileei kalte ekonomiko handia eragin ziela, “gutxienez” 107.340.000 eurokoa.

Auzitegi Nazionalak, bere epaian, adierazi du Iberdrolak une horretan eskainitako prezioa ez zegoela legezko mugetatik kanpo, eta ezin dutela deliturik egiaztatu. Halaber, nabarmendu du beste konpainia batzuek ere “antzeko prezioetan” eskaini zutela energia, deliturik egin zutenik pentsatu gabe.