Asier Altuna eta Telmo Esnal "Aupa Etxebeste!" pelikula filmatzen hasiko dira gaur (23). Azken hamabi urteotan egin den euskarazko lehen film luzean Pako Sagarzazu, Iban Garate, Ramon Agirre eta Elena Irureta ariko dira aktore lanetan. 2005eko udaberrian estreinatuko da "Aupa Etxebeste!". Bestalde, Montxo Armendariz irailaren 13an hasiko da Bernardo Atxagaren liburuan oinarritutako "Obabakoak" lana filmatzen.