'Askatasunaren aldeko martxa' eginen dute Iruñean, faxismoa izaten ari den gorakadaren aurrean

  • Martxa bat eginen dute otsailaren 23an Iruñean: "Askatasunaren aldeko martxa". Faxismoa izaten ari den gorakadak kezkatuta urratsa aurrera egin eta protestara ateratzeko deia da egin dutena zenbait gizarte eragilek. Hauxe agerraldian irakurritako mezua:

Artikulu hau CC BY-SA 3.0 lizentziari esker ekarri dugu.

2019ko otsailaren 04an - 13:47
"Otsailaren 23an, 17:30etan Iruñeko Udaletxe Plazatik abiatuko den 'Askatasunaren aldeko martxan' parte hartzeko gonbita luzatzen diogu nafar jendarteari". (Argazkia: Euskalerria Irratia)

Gure askatasuna edo eskubideak mugatu eta sozialki baztertu gaitzakeen ezein politika sexista, matxista eta misogino borrokatuko dugun emakumeak gara. Lurralde hau maitatzen ikasi dugun pertsona migranteak, Nafarroa aske, justu, multikultural eta solidarioa eraikitzea dugu helburu, hemen topatu garen jendearekin batera. Gure ametsak errealitate bilakatu nahi ditugun gazteak, hezkuntzaren merkantilizazioaren, prekarietatearen eta etorkizun ezaren aurrean amore ematen ez dugunak. Gizatasunik gabeko eta gutxiengo baten interesen mesedetara gero eta subordinatuago dagoen giza baliabide huts izateari uko egiten diogun langileak.

Gozatzen ditugun askatasun demokratiko eta eskubide sozialak ez dizkigu inork oparitu. Gure lan eta borrokaren ondorio, dira bai eta gure aurreko belaunaldiena ere. Ez dugu inongo murrizketarik onartuko. Horregatik osasun arloko, hezkuntzako, arreta sozialeko, kulturako, pentsioen eta beste horrenbeste zerbitzu publikoen pribatizazioaren edo degradazioaren saiakera guztiek parez pare izanen gaituzte. Gure askatasun eta eskubideak ez daude salgai. Gure indar guztiekin defendatuko ditugu, hala nola egun enpresa eraikitzaile handien interesen mende, nekazaritza eta abeltzaintza politika antiekologikoen ondorioz, ustiatua eta erasotua den gure ama lurra.

Gure herrialdea, Nafarroa, erabat libre eta burujabea izatea nahi dugu. Inork ez ditzala guri dagozkigun erabakiak hartu, orain arte Bruselak eta Madrilek egiten duten moduan. Gure eskubideak onartuak izan behar dira eta gure lege eta hitzarmenak errespetatuak. Adin nagusiko pertsonak gara eta gure etorkizuna idatzi nahi dugu... bai eta gure iragana ere. Azken hamarkadetan erailak, desagertaraziak, errepresaliatuak izan diren pertsonek egia, justizia eta erreparazioa merezi dute. Egun bilatzen den “concordia”, frankismo garaiko kunetetako bakea ekartzen digu gogora.

Gure askatasunak irmoki defendatuko ditugu. Azken urteetako murrizketa guztien aurrean altxatzen gara (Mordaza Legea, Kode Penala, espetxe politika...), bai eta agertu daitezkeenen aurrean ere. Adierazpen askatasuna erasotua izaten ari da eta askatasun sexualak irainak, iseka eta jazarpena pairatzen ari ditu ere. Bestalde autoritarismoa, militarismoa, xenofobia, homofobia eta bazterkeria soziala sustatzen dira. Baina gure asmoa ez da eraso hauen aurrean erresistentzian iltzatutako jokabidea izatea, aurrera egiten jarraitu nahi dugu. Abiatutako aldaketa sakontzea dugu helburu. Defentsarik onena aurrera urratsak ematen jarraitzea delako.

Egun bizi dugun loratze frankista eta faxista ez da zerutik erori eta ez zen Andaluzian ospatutako hauteskundeetan jaio. Atzoko eta gaurko aldagai zehatzetan du jatorria. Iraganean bere horretan mantendu ziren esparru ekonomiko, politiko, instituzional eta sozialetan habia egin zuen frankismoak, egun erreproduzitu dena. Gaur egun Estatu espainiarrak bizi duen krisialdi ekonomiko, instituzional eta politikoari loturik, botere faktikoek eman nahi dioten aterabide neoliberal eta autoritarioak zer ikusi handia du ere.

Baina zabaldu nahi duten gorroto, beldur, autoritarismo eta erreakzioaren aurrean gure erantzuna bereziki modu positiboan planteatu beharrean gaude. Askatasuna, demokrazia, elkartasuna eta justizia soziala defendatuz alegia. Hori egin asmoz hitzordua dugu otsailaren 23an. 17:30etan Iruñeko Udaletxe Plazatik abiatuko den “Askatasunaren aldeko martxan” parte hartzeko gonbita luzatzen diogu nafar jendarteari.

Albiste hau Euskalerria irratiak argitaratu du eta Creative Commons lizentziari esker.


Kanal honetatik interesatuko zaizu: Antifaxismoa
2024-02-09 | Gedar
Isuna jarri diote Barakaldoko lagun bati, faxista bati aurre egitea egotzita

Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.


Herriak faxismoa gelditu zuenekoaren lekuko den zubia Donostian

Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.


Hilberria
Gilles Perrault idazle antifaxista zendu da

Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.


Eguneraketa berriak daude