Artur Mas deklaratzera deitu dute azaroaren 9ko erreferenduma dela eta

  • Artur Mas Kataluniako Gobernuko lehendakaria, Joana Ortega lehendakari ordea eta Irene Rigau sailburua deklaratzera deitu ditu Kataluniako Justizia Auzitegi Gorenak, iragan azaroaren 9ko erreferenduma dela eta.


2015eko irailaren 29an - 15:22
Artur Mas bozkatzen joan den azaroko erreferendumean. (Arg.: Vilaweb)

Lau delitu leporatzen zaizkie: desobedientzia larria, prebarikazioa, diru publikoak xahutzea eta ez dagozkien funtzio publikoak beren gain hartzea. Katalan independentistek legebiltzarrean gehiengo osoa lortu ondoren dator agindua. Katalunian eskandalua sortu du Masen deklaratzeko egunak, urriaren 15ean joan beharko du auzitegira, Companys lehendakaria fusilatu zutela 75 urte betetzen diren egunean.

Elkartasun dei ugari ari zaizkio heltzen hamaika bazterretik Masi eta horien artean da David Fernandez CUPeko parlamentari ohiarena. Jordi Sánchez eta Quim Torra hurrenez hurren ANC eta Omniun-eko lehendakariek jakinarazi dutenez, deklaratze hauek ez dira erantzunik gabe geratuko eta datozen egunetan zehaztuko dituzte hartuko dituzten neurriak.

Une korapilatsuan iritsi zaio Masi deklaratzeko deia, igandeko hauteskundeen ondoren Kataluniako Gobernu berriko lehendakari izateko oztopo handiak ditu eta. JxSík bera nahi du lehendakari izatea, baina ez ditu horretarako behar diren 63 botoak eta, beraz, CUPen esku dago eta honek iragarri du jada ez duela Masen hautaketa babestuko.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude