ARGIAn praktikak egiteko aukera emango dugu
Lantaldean aritu, sare sozialak kudeatzen eta interneterako zein papererako idazten trebatzeko aukera zabalduko dugu. ARGIAn praktikak egin nahi badituzu, irailaren 18an egingo dugun azterketara aurkeztea besterik ez duzu.
Irailaren 18an (ostirala) egingo dugu azterketa, goizeko 11:00etan, ondoko lekuan:
- ARGIAren egoitzan, Lasarte-Orian, Zirkuitu Ibilbidea, industrialdeko 15. pabilioian.
*Egoerak ahalbidetzen badu, saiatuko gara EHUko Leioako campuseko Gizarte eta Komunikazio Zientzien Fakultatean ere azterketa egiteko aukera eskaintzen.
Etorri behar baduzu, bidali e-mail bat praktikak@argia.eus helbidera eta adierazi bi lekuetako zeinetan nahiago zenukeen egin azterketa. Azterketara curriculuma ekarri, mesedez.
Praktikaldiak lau hilabeteko iraupena du eta hiru sasoi daude aukeran:
2020ko urriaren 1etik 2021eko urtarrilaren 31ra.
2021eko otsailaren 1etik 2021eko maiatzaren 31ra.
2021eko ekainaren 1etik 2021eko irailaren 30era.
Lau orduko lanaldia izango da.
Kazetaritzako, Ikus-entzunezko Komunikazioko eta Giza Zientziak eta Komunikazioko ikasleei zuzendutako deialdia da. Nahitaezkoa izango da praktikak egin bitartean unibertsitatean izena emanda egotea.
Animatu eta batu ARGIAren komunikazio proiektu independentera.
.png)
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Gutun bat iritsi da Ukrainako Oberih aldizkarira: “Erredakzio estimatua, interesa dakizuekeen zerbait dela-eta idazten dizuet”. Funtzionario bat da idazten duena, Antsyxkin I. V. delakoa, eta aurkikuntza handi bat egin duenaren poz eta urduritasunarekin idazten du... [+]
