ARGIAk mendeurrena ospatuko du 2019an herritarren esku jarriz 100 urteko ondarea
Mendea beteko du ARGIAk datorren urtean eta data esanguratsu hori baliatuko du zenbaki guztiak eta argazki artxibo historikoa digitalizatzeko. Mendeurrenaren harira hurrengo urtean ekimen ugari egingo dituztela aurreratu dute Donostian emandako prentsaurrekoan.
aurre egingo dieten hedabide independenteak
Euskal kazeta dekanoa da ARGIA, 100 urte bete ditu, eta mendeurren horren inguruan egin nahi diren ekimenak eta irudia aurkezteko prentsaurrekoa eskaini dute Donostian ARGIAko kideek, Eusko Jaurlaritzako Euskara Sustatzeko zuzendari Estibalitz Alkortak lagunduta. “Mende bat ez da edonolako urteurrena eta gure lantaldea aspaldi ari da efemeridea behar den bezala ospatzeko ekimenak antolatzen”, azaldu du Bego Zuza ARGIAko lehendakariak.
1919an Zeruko Argia izenarekin aldizkari erlijioso gisa sortua eta ondoren Donostiako Argia-ren informazio orokorreko astekariaren izaera bereganaturik, ehun urteotan euskal kazetaritza modernoa garatzeko izan duen paper garrantzitsua nabarmendu dute prentsaurrean: “Lokarri bat izan da bere inguruan bildu izan diren euskal sortzaile, kulturgile eta kazetariontzat”, azaldu du Urko Apaolazak.
Denera 2.600 zenbakitik gora eta dozenaka mila orrialde argitaratu dira euskara hutsean denbora honetan. Eusko Jaurlaritzaren Kultura sailarekin hasitako elkarlanari esker zenbaki horiek guztiak digitalizatzeko proiektuari ekin dio ARGIAk, webgunean kontsultagai jartzeko helburuz. “Aspaldiko nahi edo asmo bati eutsi diogu: ondare hori guztia herritarren eskuetan jarriko dugu”, jakinarazi du kazetariak.
Mendeurrena bere irakurleei eskainitako opari batekin hasiko du ARGIAk: 2019ko lehen zenbakia berezia izango da, edukiz, diseinuz eta baita luzeraz ere
Horrez gain, argazki artxibo historikoa ere digitalizatu eta denen eskura jartzeko prozesua martxan da. Azken mende erdiko gertaera sozial eta politikoak islatzen dituzten milaka argazki dira, asko euskalgintzari eta herri mugimenduei lotuak.
Mendeurrenari begira, hurrengo urtea bere irakurleei eskainitako “opari” batekin hasiko du ARGIAk: 2019ko lehen zenbakia berezia izango da, edukiz, diseinuz eta baita luzeraz ere. Bestalde, hilabetez hilabete ekitaldiak eta mahai-inguruak egingo dira lurralde guztietan.
Barne egituraketan, berriz, aurrerago jakinaraziko den “beste pauso esanguratsu bat” emango du ARGIAk, azken urteetako horizontalizatze bideari eutsiz.
“Beste ehun urte bete nahi ditugu”
Ehun urte horietatik azken hiru hamarkadak Ametzagaiña taldean egin ditu ARGIAk, Antza inprimategiaren, Adur informatika enpresaren eta Iametza komunikazio enpresaren babesarekin.
“Ehun urte egin ditugu, baina beste ehun bete nahi ditugu”, adierazi du Estitxu Eizagirre ARGIAren zuzendariak. Horretarako ezinbestekoa da jendearen babesa eta erakunde publikoen konpromisoa.
Prentsaurrean nabarmendu dutenez, mendeurrena baliatu nahi dute euskal kazetaritzak bere osotasunean “zailtasun askoren gainetik” egindako ibilbidea ospatu eta dagokion aitortza egiteko: “ARGIAk mendea egin du, baina berarekin euskal prentsak ere bai”, azpimarratu du Eizagirrek.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Euskal Herrian auzo borrokalaririk bada, hori Txantrea da zalantzarik gabe. Herritarrek euren eskuz eraikia (literalki), auzoa defendatzen ikasi dute kalez kale, izan poliziarengandik, izan agintarien utzikeriatik, izan ugazaben diru-gosetik. Baina auzoa hori baino gehiago da,... [+]
Kontatzen ez dena ez da existitzen. Oso barneratuta daukagu lelo hori, baita informazioa boterea dela eta eragiteko gaitasun handia duela ere. Are gehiago gerra edo gatazketan, batik bat oraindik tresna digitalak asko garatu gabe zeudenean, informazioa ez baitzegoen hain eskura... [+]
Ezagutu dezakezu Euskal Herria gure txoko eder eta famatuenak bisitatuta, Instagramerako edo postal baterako argazkiak aterata zure buruari, kostaldeko paisaietan edo monumentu bisitatuenetan irri eginez. Baina ez duzu Euskal Herria guztiz ezagutuko. Horretarako, hobe zenuke... [+]
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Goizegi Hiltzeko
Ødei
Autoekoizpena, 2025
53 min.
Ulertzen nauten herrian ez da musika hau entzuten. Rap musikak akaso urte okerragoak izan ditu Euskal Herrian, baina oraindik ez da beste batzuen altuerara heldua. Denentzat ditu koplak Odei Barroso... [+]
Bizikleta hartu eta errepidera ateratzeko gogoa. Olatu gainean surf egiteak zein sentsazio eragiten duen probatzeko irrika. Mendirik mendi ibiltzearen plazera sentitzea. Mendian, hainbestean, baina emakumeak ez du erraza izan gizonenak izan diren kirol eremuetan sartzea... [+]
Okindegiko ilaran, bi emakume. Itxuraz erdi-ezagunak, hitz egiteko duten moduagatik. Pareko egunkaria hartzeko keinua egin du bietan zaharrena dirudienak, eta zera esan dio besteari: “Dauden albisteekin, agian gaur nahiago izango dut animalien dokumental bat ipini”... [+]
Sorkuntzarako, gozamenerako eta aldarrikapenerako espazio moduan dute oholtza musikari askok, baina bere ingurumarietan katramilatzen dira sarri, eta espazio "bortitz" bihurtzen da hegemonikoak ez diren gorputz askorentzat. Presio estetikoa, egiteko modu deserosoak,... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Apirilean argitaratu zuen Amorante frantsesa (Susa) Miren Agur Meabek (Lekeitio, 1962). Thriller ukitua du poemen bidez idatzitako nobela deigarriak eta, istorioa fikziozkoa den arren, badu idazlearen aurreko lanak markatu dituen kutsu autobiografikoaren arrastorik. Hortaz,... [+]