Arratsaldean banatuko ditugu Argia Sariak, Usurbilgo Atxega Jauregia jatetxean egingo den ekitaldian. Euskarazko komunikazioan nabarmendu diren ekimen, programa edo pertsonak izango dira sarituak, sei ataletan: Internetekoa, telebistakoa, irratikoa, prentsakoa, publizitatekoa eta merezimenduzkoa. Bazkalostean egingo da sari banaketa, 16:00ak inguruan hasita.
Sari-banaketa zuzenean jarraitu ahal izango duzue streaming bidez. Sare sozialetan ekitaldiaren jarraipena egingo dugu: Twitterren gertatzen ari dena kontatuko dizuegu, eta erabiltzaileek #argiasariak etiketarekin parte hartu ahal izango duzue. Facebookeko komunitateari ere berri emango diogu eta argazkiak igotzen joango gara.
Aurreko edizioetako irabazleen zerrenda, argazki eta bideoak ARGIA Sariak kanalean dituzue ikusgai.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.