Aitor Garmendia argazkilaria World Press Photo sariketako hautagai

  • Aitor Garmendia argazkilariak lortu du tokia egitea World Press Photo fotokazetaritza sari ospetsuen zerrendan. Espainiako Estatuko txerri haztegietan egindako argazki sortak eraman du hautagaietako bat izatera. Saritua izan daitekeen fotoerreportajeak ARGIAren eskutik ikusi zuen argia lehen aldiz.


2021eko martxoaren 12an - 12:24
Argazki-erreportajeko piezetako bat (Argazkia: Aitor Garmendia)

World Press Photo erakundeak urtero antolatzen du fotokazetaritza alorrean esangura handikoa den Word Press Photo sariketa, urteko irudi onenak saritu asmoz. Aurten 64. edizioa burutuko du, eta apirilaren 15ean emango ditu ezagutzera aurtengo sariketako garaileen izenak. Asteazkenean argitaratu zuten aurtengo sarietarako izendatutako kazetarien zerrenda, eta 45 izenen artean dago Aitor Garmendiarena.

Sariketako hautagaiak zortzi kategoriatan sailkatuak daude, eta Ingurumen kategoriako sarirako hautagaietako bat da Garmendia, Espainiako Estatuko txerri haztegietan egindako argazkiekin osatutako fotoerreportajearekin.

Lana 2019 eta 2020 urte artean osatu zuen, eta horretarako animalien eskubideen aldeko ikertzaile talde batekin –anonimotasuna gorde nahi izan dute pertsona horiek, jazarpen arriskua medio– Aragoi, Gaztela-Mantxa eta Gaztela eta Leongo hogeita hamar txerri-ustiategi baino gehiagotan sartu zen kamararekin. Helburua: animalien ustiapen industrialaren baitan gertatzen diren abusuak dokumentatzea, errealitate horren berri emateko.

Lana ARGIAren bitartez argitaratu zen lehenbizikoz. Hemen dago eskuragarri.

Garmendia pozik agertu da sariketarako hautagai izateaz. Eitb-ri adierazi dionez: “Animalien esplotazioak –eta ez naiz ari animalien aurkako tratu txarren kasu jakin batzuez, baizik eta esplotazio sistematiko eta instituzionalaz– nekez aurkitzen du bozgorailurik hedabideetan. Beraz, aitorpen garrantzitsua da hau, ez bakarrik gaiarentzat beretzat, ezpada itzalpean haztegiak eta hiltegiak ikertzen diharduten pertsonentzat”.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude