ARGIA.eus

2020ko abenduaren 06a

Aire kutsatua arnasten dute Hego Euskal Herriko ia biztanle guztiek

  • Ekologistak Martxan taldeak airearen kalitateari buruzko 2011ko txostena (PDF) argitara eman du eta Hego Euskal Herriko biztanle gehienek aire kutsatua arnasten dutela ondorioztatu du. Zonalde kutsatuenak Bilbo eta ingurua dira EAEn eta Iruñerria Nafarroako Foru Erkidegoan.

2012ko urriaren 03a
Muskizek sufre dioxido maila altuak ditu airean, Petronorrek herrian daukan plantaren eraginez.

Arnasten diren gai kutsagarrien motari erreparatuz gero, Hego Euskal Herrian PM10 eta PM2,5 motako partikulak Osasunaren Mundu Erakundeak (OME) gomendatutako mailen gainetik daude. Aireko partikulen tamainaren arabera egindako sailkapena da: PM10 partikulak 10 mikrometro baino txikiagoak dira eta arnas aparatuko hodi meheenetaraino irits daitezke. PM2,5 motako partikulak berriz, 2,5 mikrometro baino txikiagoak dira eta arnas aparatutik odolera ere iritsi daitezke daukaten tamaina txikiagatik.

EAEn PM10 eta PM2,5 motako partikulak OMEk gomendatutako mailen gainetik daude ia eskualde guztietan, Arabako lautada, Enkarterriak eta Nerbioi Ibarrean salbu. Bilbo da airearen kutsadurari dagokionez punturik beltzena, jarduera industrialak eta trafiko handiak eraginda. Nafarroako Foru Erkidegoari dagokionez, Iruñerria eta Tutera agertzen dira aire kutsatuena duten gune gisa.

Mikropartikulez gain, Hego Euskal Herriko airean sufre dioxidoa eta ozono troposferikoa ere aurki daitezke, besteak beste. Sufre dioxidoari erreparatuz gero, Arrasate eta inguruko herriak, Muskiz, Santurtzi eta Abanto dira inguru kutsatuenak, baita Iruñea ere, Landabengo industriguneko emisioen ondorioz. Ozono troposferikoa berriz, kostaldean, Goierrin, Deba garaian, Ibaizabalen, Zangotzan, Tuteran eta Arabako Erriberan agertzen da bereziki.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak





Azkenak
Argia buletina
Egunaren laburpena
zure e-postan
Eguneraketa berriak daude