AHT geldi dezatela eskatzeko Iruñean eginen den giza kateak babes handia jaso du
Babes handia jasotzen ari da larunbatean Iruñean egingo den giza katea. Abiadura Handiko Trena geratzeko eskatuko dute.
Sustrai Fundazioak, AHT Geldituk eta Nafarroako Ekologistak Martxan taldeek jakinarazi dute babes handia jasotzen ari direla hainbat erakunde eta entitatetatik. Larunbaterako deitua duten manifestazioak are indar handiagoa izanen duela nabarmendu dute 70 taldek baino gehiagok bat egin baitute hitzorduarekin.
Abiadura Handiko Trenaren lanak gelditzeko eskatua dute manifestu baten bidez. Larunbatean Iruñeko kaleetan eginen dute aldarrikapen hori, Sarasate pasealekutik hasita eginen den giza katean. 12:30ean hasiko da protesta.
[Albiste honen jatorrizko bertsioa Euskalerria Irratiaren webgunean argitaratu da eta CC-by-sa lizentzia baliatuz ekarri dugu ARGIAra]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.