Banatu ditugu 2014ko Argia Sariak

  • Banatu ditugu 2014. urteko ARGIA Sariak, euskarazko komunikazio proiektu eredugarriak sarituz. 25. urteurrena da sariketa hasi zuela ARGIAk. Ondoren dituzue aurtengo sarituak.

ARGIA @argia
2014ko urtarrilaren 31

Interneteko Argia Saria: Topatu.info

Topatu.info webguneak irabazi du 2014ko Interneteko ARGIA Saria. Gazte euskaldunei zuzendutako gune multimedia da, albiste, bideo eta blogez hornitua besteak beste.

"Munduari gazteen ikuspegitik begiratzen dion webgune bat sarituko dugu gaur, informazioa dinamismo handiz ematen duelako formatu guztiak erabiliz eta gazteen artean gaurko gaiei buruzko eztabaida sustatuz", nabarmendu du epaimahaiak.

Prentsa idatzia: Maite Asensio Lozano

Berria egunkariko Maite Asensio Lozanok irabazi du 2014ko Prentsa idatziaren ARGIA Saria. Epaimahaiak ondorengoa nabarmendu du: "gizarte gaiak lantzerakoan sentsibilitate bereziarekin aritzen da eta gizonen eta emakumeen arteko berdintasunari garrantzi handia ematen die. Ikuspegi feminista kazetaritza hobea egiteko ezinbesteko tresna dela erakutsi du".

Irratia: Eider Olazar Elduaien

Info7 irratiko Eider Olazar Elduaienek irabazi du 2014ko Irratiko ARGIA Saria. Kalegorrian saioan aritzen da astelehenetik ostiralera.

"Gizarte gaiak, gai kulturalak lantzen ditu zorroztasunez, ondo komunikatuz eta mundu guztiaren ahotan dabilenaz gain inor gutxik lehen planora ekartzen dituenei protagonismoa emanez", adierazi du epaimahaiak.

Publizitatea: Errigora

http://1.bp.blogspot.com/-3tDAf6hkbgc/UmWnI2Z5OXI/AAAAAAAAAPQ/qC_nGKLkW94/s1600/muestra.jpg

Errigora ekimenak irabazi du 2014ko Publizitateko ARGIA Saria. "Arrakastatsua izan da kanpaina jende askorengana iritsi da eta ez ditu baliabide garestiak behar izan", adierazi du epaimahaiak. Euskal Herria oinarri duen ekimena da, elkarlanari garrantzia eman dio eta Nafarroako hegoaldea du ardatz. Laborantza eta euskara, biak sustatu dituzte batera bertako produktuak eta bertako hizkuntza zailtasunen gainetik bizi nahi duen herri baten erakusgarri.

Telebista: Tribuaren Berbak

2014ko Telebistako ARGIA Saria ETBko Tribuaren Berbak saioak irabazi du. "Euskaraz bizitzearen ertz guztiak leuntzen saiatzen da hizkuntz jarrera positiboa sustatuz eta askotan euskarari buruz ezagutzen ez genituen kontuak plazaratzen ditu", aipatu du epaimahaiak saria ematean. "ETBren denboraldi berriko sorpresa politenetako bat izan da".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: ARGIA Sariak  |  Errigora

ARGIA Sariak kanaletik interesatuko zaizu...
2019-02-03 | Miren Osa Galdona
1989 ARGIA Sariak
Lehenengo hura

2019-01-28 | ARGIA
2019ko Argia Sariak ekitaldi osoa
MULTIMEDIA - ekitaldia

Urtarrilaren 25ean banatu dira Argia Sariak, Usurbilgo Atxega Jatetxean. Aurtengoa ekitaldi berezia izan da, batetik 30 urte egin dituztelako Argia Sariek, eta bestetik mendeurrena ospatzen ari garelako ARGIAn, eta ezinbestean, mendeurrenak zipriztindu du ekitaldi guztia.

Bazkaldu ostean, Hiru Damatxo kooperatibak ARGIA aldizkariaren urteurrenaz egindako bideoaren aurrerapen bat izan da ikusgai, eta jarraian ARGIAko lantaldearen izenean diskurtsoa irakurri du Onintza Irureta lankideak... [+]


2019-01-25 | Dani Blanco
ARGAZKI GALERIA: 30. Argia Sariak iruditan

ARGIA SARIAK berezia izan da aurtengoa eta gonbidatu guztiekin familia-argazkia atera dugu bazkaldu aurretik. Dani Blanco argazkilariak iruditan jaso du ekitaldia.


2019-01-25 | ARGIA
Eusko Ikaskuntza eta Euskaltzaindia - Merezimendu Saria
"Herria maite zuten haien guztien nahia gauzatzen jarraitzen dugu"

Eusko Ikaskuntzako presidente Iñaki Dorronsorok Gregorio de Mujikaren figura ekarri du gogora.


2019-01-25
Altsasuko Gurasoak - Sustapen saria
"Saria partekatu nahi dugu Altsasuko herriarekin, erakutsi duen duintasunagatik"

"Guretzat ohore handia da, ARGIArentzat hain berezia den urteurrenarekin batera, sari hau jasotzea", adierazi du Altsasuko Gurasoen ordezkari Isabel Pozuetak, alboan zituela Izaskun Etxeberria eta Antton Ramirez.


2019-01-25 | ARGIA
J.C. Etxegoien 'Xamar' ('Euskara Jendea', Bilbo Hiria)- Irratia saria
"Identitatea atxiki nahi duten herri menperatuek ez dute aski gramatika bat bizirik mantentzea"

Juan Carlos Etxegoien Xamar-ek jaso du Irratia saria Bilbo Hiria irratian Euskara Jendea saioagatik. Irratsaioak baditu aurrekariak, liburuan eta ikus-entzunezkoan bilduak zituen Xamarrek uhin bidez orain zabaltzen dituen eduki eta mezuak.


2019-01-25 | ARGIA
Indarkeria matxistaren biktimen mapa - Internet saria
"Hedabideok birpentsatu beharko dugu indarkeria matxistaren berri nola eman"

2018ko azaroan abian jarri zuen Berria egunkariak indarkeria matxistaren biktimen mapa.  Maite Asensio eta Pello Urzelai etorri dira saria jasotzera. Asensiok adierazi du orain dela hamabost urtez geroztik ditugula indarkeria matxistari buruzko datu zehatzagoak, eta orduan hasi zirela hedabideak “bortizkeria horren berri serioago ematen” eta “erantzukizun politikoa” bere gain hartzen.


2019-01-25 | ARGIA
Askekintzaren "Gurean" dokumentala - Ikus-entzunezko saria
"Festak espezismorik gabe ospatzeko ordua da"

Jaietan animaliek jasaten duten tratu txarraz hitz egiteko eta gaia mahaigaineratzeko aukera eskertu diote Askekintzako kideek ARGIAri. “Sokamuturra, idi eta zaldi demak, ahari jokoak, zezenketak, arrantza eta ehiza txapelketak, animalia erakusketak, zaldi edo asto lasterketak... Adibideak amaiezinak dira”, azaldu dute.


2019-01-25 | ARGIA
Gari Garaialde - Prentsa saria
"Oraindik zaila egiten da kamerarekin egiten dugun hori kazetaritza ariketatzat hartzea"

"Susmoa nuen, eta dut, orokorki, kazetaritzara dedikatzen garenon artean ere, fotokazetaritza ez dagoela kazetaritza bezala onartua. Agian, galdetuz gero, ehuneko handi batek baietz, kazetaritza dela esango dute, baina eguneroko martxan ikusten da hori ez dela egia", aitortu du Gari Garaialdek, saria jaso ostean.


2019-01-25 | ARGIA
30. Argia Sariak banatu ditugu

Gaur, ostirala hilak 25, banatu dira Argia Sariak, Usurbilgo Atxega Jatetxean. Aurtengoa ekitaldi berezia izan da, batetik 30 urte egin dituztelako Argia Sariek, eta bestetik mendeurrena ospatzen ari garelako ARGIAn, eta ezinbestean, mendeurrenak zipriztindu du ekitaldi guztia.


Azkenak
EGILEA
Eguneraketa berriak daude