60.000 pertsona baino gehiago desagerrarazi dituzte Mexikon azken 13 urteetan
Mexikoko autoritateek adierazi dute 60.000 lagun baino gehiago desagertu direla 2006an AEBek bultzatako "drogaren aurkako guda" hasi zenetik. Daturik eman gabe urteak egin ostean, gobernuaren ordezkari Alejandro Encinasek aurkeztu ditu kopuruak, nahiz eta aitortu, hainbat estatuk ez dutela informaziorik entregatu oraindik.
1970-80ko hamarkadetan AEBek babestuta Hego eta Ertamerikako guda zikinetan eta diktaduretan desagertutako pertsonen kopurua gainditu du Mexiko egun bizitzen ari den tragediak. Giza eskubideen aldeko ekintzaileek diote desagerketa hauen arduradunak direla bai droga kartelak, baita Mexikoko segurtasun indarrak ere.
60.053 desagertu, hori da Mexikoko Gobernuak emandako datua. Hala ere, prentsaurrean aitortu dutenez, hamar estatu "informazioa entregatzeko prozesuan" daude, beste zortzi "informazioa eguneratzen eta informazio historikoa gainbegiratzen ari dira" eta beste hamahiruk "informazio historikoa gainbegiratzen" diraute.
Orain, beraz, garrantzia berezia dute informazio eguneratua eman ez duten estatuetako desagertuen kopuruek, publiko egin duten kopurua nabarmen handituko baitute, kontutan hartuz adibidez, azken urteetan hilketak asko ugaritu diren Guanajuato eta Morelos estatuek ez dutela informazioa eman.
Lopez Obradorren administrazioak datuak genero eta adin tarteka sailkatuta eman ditu. Adibidez, desagertuen hiru laurden gizonezkoak dira, eta gehienak 15 eta 39 urte bitartekoak. Desagertutako emakumeen artean, herena 10 eta 19 urte artekoa da.
Kezka eragin duen beste datu bat ondorengoa da: azken lau urteetan desagertatu da pertsona gehien, 22.000 baino gehiago.
Estatu batek bere lurraldean dagoe enbaxada baten aurka horrelakorik egiten duen lehenengo aldia da. Mexikok enbaxada itxi eta iragarri du Ekuador salatuko dutela Nazioarteko Justizia Auzitegian nazioarteko eskubideak urratu izanagatik.
Aguascalienteseko Fiskaltzak adierazi du Baena bere bikotekideak hil, eta ondoren bere buruaz beste egin zuela. Baenaren senideak ez datoz bat hipotesi horrekin, eta familiaren abokatuak adierazi du ikerketa aldatuko duten frogak aurkeztuko dituela. LGBTIQ+ komunitatea ere kexu... [+]
2022ko irailaren 19an Mexiko Hiria astindu zuen lurrikarak ez zuen soilik hondamena ekarri. Tenochtitlan zaharrean lurperatuta zegoen suge buru kolosal bat ere agerian utzi zuen.
1.500 kilometro baino gehiago izango ditu trenbideak, zeinak Mexikoko hego-ekialdeko bost estatu bilduko dituen: Campeche, Chiapas, Quintana Roo, Tabasco eta Yucatan. Maya trenaren kudeaketa Armadaren esku utzi zuen pasa den hilean Andres Manuel Lopez Obrador presidenteak.